بسم الله الرحمن الرحيم
السادة أعضاء المنتدى المحترمين
الموضوع دة عن تجرية شخصية مع "الأيدل كنترول" فى يوم كنت فى مشوار والعربية زى ما يكون ركبها 100 عفريت (العربية دايو لانوس 99) .

1- دخان ابيض كثيف زى عربية رش المبيدات
2- تقطيع وتنتيش
3- لمبة ال "تشيك" بتنور وتطف
4- صوت الموتور عالى جدا
5- العربية بتطفى بمجر ارفع رجلى من على دواسة البنزين
6- الحرارة عليت

كل الأعراض دى حصلت فى 5 دقايق بس من اول مامشيت بالعربية, وبعد كدة وقفت بالعربية وربنا الهمنى وقلت ابص على "الأيدل كنترول" كدة وفكيت المسمارين وشلت الفيشة لقيتة اسود تماما تماما جبت فوطة قطيفة ونظفتة تنظيفة كويسة جدا جدا فقط بدون اى منظفات وركبت المسمارين والفيشة ودورت العربية رجعت زى الفل وكأن محصلش اى حاجة وكأنها عربية تانية بعد اللى حصل من 5 دقايق والحمد لله جت سليمة وكلة كان شوية هباب على "الأيدل كنترول"

وهذا من باب تبادل الخبرات للأخوة الأعضاء
وربنا يسترها إن شاء الله

محمد غريب
الأسماعيلية
هيئة قناة السويس
0123695418