سؤال في تعديل ال١٢٨
أنا معايا فيات ١٢٨ موديل ٧٧ إيطالي رشه دواخل و عايز أسقطلها متور لانشيا ١٦٠٠سي سي عشان أركبلها تكيف طبعا المتور هيبقى معاه الفتيس والتكييف وهعملها سمكرة ودوكو وهيا متركبلها دعامات
وسؤالي هنا هل هتحتاج تعديل في العفشة غير توطية العربية وهيتعمل فيها إيه تاني وهتكلف حوالي قد أيه حالة العربية حاليا ١١٠٠ سي سي ٤ نقلات سرعة قصوى ١٤٥ كم/س (على طريق مصر الإسماعلية) بمطورها الأصلي بتاع المصنع معموله عمره من ٦ سنين |
رد: سؤال في تعديل ال١٢٨
اقتباس:
انا بردو بفكر اعدل ال128 بنفس الطريقه يا ريت حد يفدنا يا جماعه ولوا في صور لل128 متعدلة كمان يبقي تمام اوي وشكراptmnlo123per122 |
رد: سؤال في تعديل ال١٢٨
ممتازه اول عربيه يا ترى على كام سعرها ؟؟
باقى العربيات برده حلوين اخر روشنه :) |
رد: سؤال في تعديل ال١٢٨
علشان تعدل في ال 128 اهم حاجه تكون العفشه بتاعتك صح
يعني المساعدين جديده و تكون مونرو و اليايات برضه جديده من نفس الماركه نقطه ضعف ال128 في شاسيهاتها و بتفتح دايما لو المساعدين وحشه يبقي اهم حاجه نشوف لو الشاسيه مفتوح يتظبط مقاساته و يتغير المساعدين حتي لو اللي فيها نص نص علشان تستحمل الموتور الجديد و طبعا الاسكترا و المقصات و البيض كله جديد و الماني و يتعمل تقويه في الشاسيهات و عند الركب بتاع قواعد الموتور و تركب بارات في الحوض علشان الشاسيه ما يفتحش و بعدين تشوف ميكانيكي نضيف ينزل يجيب معاك الموتور ممكن يركب عليها مواتير الريتمو و الريجاتا او التمبرا او اللانشيا ديدرا و واحده واحده في التوضيب و لازم كل حاجه تطلع زي ما الكتاب بيقول لو ابوابك تعبانه هات طقم ابواب استيراد حالته نضيفه التابلوه كمان و ما تجيبش تابلوه كورسا و العك دا تابلوه بلادها مع RBMمحترم يبقي افضل علشان ما تدخلش في متاهه تضبيط المقاسات و عيارات الامبيرات الجنوط يبقي طقم 14 محترم و بلاش من الصيني |
الساعة الآن 06:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017