قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
السلام عليكم ورحمة الله وبركاته قريبا ان شاء الله طالع على السخنه وهبداء طريقى من دائرى المعادى ان شاء الله وهاخد الطريق كله دائرى انا شوفته على جوجل ايرث هو عبارع عن خط طويل طول بالظبط حوالى 120 كلم من نقطه بدايتى الى النهاية السؤال هل فيه نصائح عن وجود مطبات وفى اى مكان فى الطريق وما هى جوده الطريق و هل فيه اى كمائن او كدا وما هى السرعه المناسبه عموما للطريق ده وعموما لو فيه اى نصائح انا مذكرتهاش ياريت تقولوها وبالنسبه احنا رايحين نقضى اليوم من اوله للمغرب كدا ان شاء الله فهل فيه اى نصائح نتبعها واحنا هناك والاسعار ايه اخبارها هناك والدنيا عموما هناك عامله ايه و جزاكم الله خيرا |
رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
كل اللي أعرفة انه طريق زي الحرير و السرعة المسموحة 120كم/س. بس بقالي كتير ما استعملتوش. حوالي 5 سنين.
|
رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
احسن طريق فى مصر كلها هو طريق العين السخنة......مفيش فيه مطبات نهائى...السرعة المقررة 120....
|
رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
اخي sayed2077 اجازة سعيدة ان شاء الله
وانت علي الدائري امام مستشفي البنك الاهلي حتجد دخلة يمين اول لما تنزل حتجد شركة البوتجاز وخذ روترن ولف شمال حتجد بنزينة وطنية وبعدها دخلة السخنة وخلي بالك الطريق وانت رايح عبارة كله عن مطلع خفيف اول لما تدخل الطريق بعد البنزينة اقرص علي العربية علشان ما تهنجش منك وبعد 6 ك حتجد الكرتة قبلها مطب ب5ج السرعة القصوي 120ك الطريق جميل جدااااااا وامان بس اوعي يغريك انا علي الطريق كل يوم وبشوف حاجات وحشة بسبب اغراء الطريق:pty: وخلي بالك وانت راجع اخر الطريق عند مخرجة دوران شديد و8 مطبات !!!!! |
رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
رحلة سعيدة بإذن الله
اهم حاجة يكون الكاوتش كويس جدا لأن مفيش خدمات خااااالص هناك والطريق مطالع ومنازل لكن مستقيم من غير منحنيات غير فى الآخر وكان فيه حتت مش ممهدة قبل بورتو السخنة معرفش صلحوها ولا لأ؟ وحاول ونتا راجع مع آخر ضوء نهار خصوصا عند ملفات السخنة وساعات كمان بيقفلوا نور الطريق وتمشى على نور شموع العربيات فحاول تكون واخد نص الطريق اليمين لو هتمشى أقل من 100 |
الساعة الآن 02:33 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017