رابطه مالكي بيجو 305
 

السلام عليكم و رحمه الله و بركاته
الاخوة الاعزاء
ايه رأيكم لو نعمل هنا رابطه لمالكي بيجو 305
علي ان يكون المشاركين هنا :
1-مالكي البيجو 305 الحاليين
2-مالكي البيجو 305 السابقين ( اللي كان معاهم و باعوها
3- اللي ليهم خبره في بيجو 305


و الهدف من الرابطه دي :
1- تبادل الخبرات
2- تعليم الجدد
3- توصيل فكره صحيحه عن بيجو 305 من خلال مستخدميها
و نتمني المشاركه من الجميع

رد: رابطه مالكي بيجو 305
 

ايه يا بيجوهاتيه هو انا بس اللي في الرابطه دي و لا ايه

رد: رابطه مالكي بيجو 305
 

السلام عليكم
هذه اول مشاركه ليا فى هذا المنتدى وانا من ممتلكى 305 ومن عشقها وهى فعلا بجد عربيه مظلومه وان كنت بحمد ربنا على هذا لان ده خلى سعرها فى متناول الجميع

رد: رابطه مالكي بيجو 305
 

اهلا بيك
و يا ريت تكلمنا عن عربيتك و موديلها و دردش معانا حوليها

رد: رابطه مالكي بيجو 305
 

انا مالك لسيارةبيجو305 و هى كويسة بس العيب الوحيد فيها الكبالن موش كويسة موش لاقيلها حل لو عندك حل قول لى و لو فى بديل موش بتاعها قول لى وشكررررررررررررا:14369D~1 49:

رد: رابطه مالكي بيجو 305
 

أنا أمتلك بيجو 305 1979 منذ 9 سنوات تقريبا و هي سيارة ممتازة ناعمة موفرة للبنزين و لكن يعيبها انخفاض سعرها مقارنة بسيارات أخرى أقل منها جودة و قيمة كما يعيبها اختفاء كثير من قطع غيارها و ارتفاع أسعار تلك القطع كثيرا
و رغم انني سقطت موتور استيراد و ركبت لها عفشة شبه كاملة إلا أنني أعاني من عدم وجود دراع الإشارات الذي انكسر و لم أجده بالسوق كما أن تابلوه السيارة قد استهلك و حاولت شراء اخر لكني وجدته غالي جدا و لا أعرف سببا لذلك سوى فساد تجار الإستيراد - بل كل تجار مصر لعنة الله عليهم حولوا حياتنا لجحيم في كل شئ
لو حد من رابطة مالكي ال305 عنده حلول لهذه المشاكل يرجى مساعدتنا

رد: رابطه مالكي بيجو 305
 

الحل فى بيعها اخى العزيز وخليك فى الفيات حاجته كتيرة ورخيصة وعند البقال زى ما بيقولوا وما تزعلش منى ده رأيى الشخصى