|
عندي مشكله صغيره بس مطلعه عيني(فيكتراB)
السلام عليكم ازيكم يا شباب عاملين ايه ؟ والله انا عندي مشكله هي تعتبر صغيره بس بجد مطلعه عيني ومش عارف اعمل فيها ايه الوقتي انا عندي اوبل فيكترا 97 مشكلتي فيها جريد الابواب مش عايز يثبت ابدا !!! مهما اركبه لازم يفك تاني وانا جايبه جديد اللزق وش و وضهر اللي جي معاه فك جبتله لزق تاني فك جبته امير مانفعش اصلا واحد قالي اعمل لزق الانبوبتين بتاع الحديد برده فك!!! ماحدش عنده حل للمشكله دي؟ انا بجد تعبت والعربيه شكلها مشوه والجريد مش راكب |
رد: عندي مشكله صغيره بس مطلعه عيني(فيكتراB)
اقتباس:
وهى طريقة برشام الجرايد بواسطة مكنة البرشام هتبرشمها وتنساها |
رد: عندي مشكله صغيره بس مطلعه عيني(فيكتراB)
اقتباس:
طيب لو مفيش فيها رخامه ممكن توضحلي الطريقه عشان مش فاهم تقصد ايه معلش |
رد: عندي مشكله صغيره بس مطلعه عيني(فيكتراB)
فيه مكنه يا أخى
أسمها مكنة برشام وفيه مسامير برشام ( شبه المسامير ) بيتخرم ( خرم رفيع فى الجريده والصاج ) وبعد كده بيتم برشمة كل مسمار برشام فى الخرم المعين النافد فى الجريده وصاج الباب والفرش راكب بواسطة مكنة البرشام ( مكنة البرشام فيها شبه من منفاخ العجله على صغير ) وموجوده عند بتوع الألوميتال على سبيل المثال __________ أنا كنت زيك كده دوخت بالشوك فاست والكله وكل ماتتخيله ورست فى الآخر على طريقة البرشام بتبقى زى الحديد وتنسى القصه دى ممكن بعد كده تبقى تدهن راس كل مسمار برشام بنقطة بويه سوداء لكى لايكون لو ن رأس مسمار البرشام مختلف عن لون الجريده الأسود |
رد: عندي مشكله صغيره بس مطلعه عيني(فيكتراB)
كل الموضوع انك حتيجي تخرم الجريد بالشينيور مكان الفتحات بتاعت الكلبسات في الباب وبعدين بالبراشيم تبرشم الجريد في الباب ويستحسن تعمل الموضوع ده عند سمكري او حد متخصص
|
| الساعة الآن 06:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017