مشكلة في الفيرنا الرجاء عدم البخل بالمساعدة
 

عندي مشكلة في عربيتي الفيرنا هي موديل 2008 والمشكلة ان جوه الصالون فيه ريحة زيت محروق بشكل بيتعبني جدا وعاملي مشكلة في صدري وزوري وعيني وافتكرت ان ده عيب من الزيت وكنت غيرته من 700 كيلو وكان المفروض اني اغيرته بعد 5000 كيلو بس غيرته بزيت نوع تاني وانا بشتري دايما الزيت من بنزينة مش محددة بس تكون مضمونة المهم بعد تغيير الزيت راحت الريحة بس بعد 500 كيلو رجعت ريحة الزيت المحروق تاني وروحت للميكانيكي واكد لي ان كله تمام ومفيش تسريب في الزيت ولا تنقيط وطبعا روحت لبتاع الشكمانات ومفيش اي تسريب ومكان البوجيهات تمام مفيش زيت لغاية ما تعبت ومش عارف ايه المشكلة الرجاء المساعدة وشكرا

رد: مشكلة في الفيرنا الرجاء عدم البخل بالمساعدة
 

كان الله فى عونك
حاول تغسل حوض العربية ببنزين فقط و بعده هواء مضغوط أو سيبه يأخد وقته و يطير
طبعاً مش لازم أنبه أن العربية تكون بارده تماماً قبل متغسلها
ممكن تحط البنزين فى زجاجة بيبسى بلاستيك و تخرم الغطا و تقلب الزجاجه على الحوض كله و تركز على الفرن و المنفولد (معرفش دول وضعهم ايه عندك بس دى أكتر أماكن بتسخن و لو نزل عليها زيت يفضل يشيط و يعمل ريحه)
ان شاء الله بعد الغسله دى المشكله هتتحل

رد: مشكلة في الفيرنا الرجاء عدم البخل بالمساعدة
 

شكرا على الرد انشاء الله هغسل العربية بكرة بس صعب يكون بالبنزين هأروح البنزينة بس انا زي ما قولت بعد تغيير الزيت لفترة معينة مبيكونش فيه ريحة وبترجع تاني بعد عدد معين من الكيلومترات فهل ده يا ترى له تفسير؟ وشكرا