السلام عليكم ورحمه الله وبركاته
أخوانى الكرام
النهارده اقدر اقدم تجربتى كامله لأن فى ناس كتيير قوى سألت عليها وبتحاول توصل لحل وانا كنت واحد منهم وبعد تعب كبير وبمساعدة الناس المحترمه اللى مابخلوش عليا بالمعلومات قدرت اغير الكاسيت بنفسى
انا ركبت الكاسيت دا ماتسوبيشى MC81
http://www.nahdabns.org/upload/DSC_0105.jpg
http://www.nahdabns.org/upload/DSC_0106.jpg
http://www.nahdabns.org/upload/DSC_0107.jpg
http://www.nahdabns.org/upload/DSC_0109.jpg

وبصراحه حاجه فخيمه بعد تجربه 3 سنين من ايام عربيتى 127 ما كان راكب فيها ومش هقول مميزاته لأن فى مواضيع اتعملت عليه واشهرها الموضوع دا

http://www.**********.net/Nile/32645...ishi-mc81.html

علشان وقتكم هدخل فى التفاصيل على طول
الادوات اللى هتحتاجها هتكون
1- بيبه 10
2- مفك صليبه
3- مفك عاده
4- بكره شيكارتون

فكيت الاول الجزء اللى فوق زى الصوره تمام بالمفك العاده وهى بتدخل المفك من تحت وبترفع به بس بالراحه
يعنى ماتتعافاش على حاجه ومعظم الحاجات الفبر اللى راكبه فى العربيه كلها راكبه كبس
http://www.nahdabns.org/upload/DSC_0112.jpg
بعد كده هتلاقى المسامرين اللى ماسكين الوش وهتفكهم بمفك صليبه

http://www.nahdabns.org/upload/DSC_0114.jpg
وبعدين هتحاول ترفع الوش من الجنبين من خلال المفك العاده من الناحيتين وبرده راكبه كبس زى الصوره تمام
http://www.nahdabns.org/upload/DSC_0115.jpg

http://www.nahdabns.org/upload/DSC_0116.jpg

هنفك الكاسيت من المسمارين اللى فوق بالبيبه 10 وتحتهم هتلاقى مسمارين لجوه شويه هتفكهم بمفك صليبه
وتسحب الكاسيت لبره هتلاقى شابك فيه كابل الاريال وكابل كبير خاص بالكهرباء والسماعات هنروح نفصل الكابلين من الكاسيت وتخرج الكاسيت بره خالص
هتفك الحوامل اللى ماسكه الكاسيت من الجنبين علشان هركب فيهم الكاسيت الجديد والدرج

بمناسبه الدرج جبته بـ 50 جنيه وفى منه حامل أكواب وفى درج عادى وكمان حافظ سي ديهات انا جبت العادى ودى صور الكاسيت والدرج وهما راكبيت مع بعض على الحامل بتاع الكاسيت الاصلى وكمان صور الكرتونه الخاصه بالدرج

http://www.nahdabns.org/upload/DSC_0118.jpg
http://www.nahdabns.org/upload/DSC_0119.jpg
http://www.nahdabns.org/upload/DSC_0139.jpg
http://www.nahdabns.org/upload/DSC_0140.jpg

نيجى بقى للتوصيل والاسلاك

اول حاجه نمسك الـ 3 ألوان الاحمر - الأصفر - الأسود
الكاسيت فيه نفس الالوان وهتلاقى رسمه للخريطه الخاصه بالتوصيل على ظهر الكاسيت وتقريبا معظم الكاسيتات واحد بس برضه تراجع الخريطه

انا عملت ايه ؟
قشرت الأسلاك بتاع العربيه من النصف يا دوب تعرى السلك علشان تلحم فيه اسلاك الكاسيت
وصلت الاحمر مع الاحمر ودا الخاص بالقفل مع الكونتاكت
وصلت الاسود مع الاسود ودا الارضى
وصلت الاصفر مع الاصفر ودا كهرباء

بعد كده قشرت برضه كل اسلاك السماعات فى الضفيره وهتلاقى الابيض والبينك والرمادى والأخضر
كل سلك من دول موجود منه اتنين موجب وارضى الخاص بكل سماعه والارضى بتعرفه بيكون فيه خط بالاسود
مثال
ابيض وابيض بخط اسود
هتوصل بقى كل خارجى من الكاسيت لكل سماعه
طبعا هتقولى عرفت السماعه يمين من شمال قدام من ورا ازاى
اول ما وصلت ال 3 اسلاك كهرباء وغطتهم بشيكارتون الكاسيت اشتغل مع فتح الكونتاكت
زى كده
http://www.nahdabns.org/upload/DSC_0117.jpg

مسكت سلكين من اللى خارجين للكاسيت وبيتوصلوا للسماعات وبدات اختبر كل سلك واسمع الصوت واسجل مكان السماعه اللى اشتغلت فين
وعموما الورقه نسيتها فى السياره وبكره ان شاء الله هكتب كل سلك بيودى لأنهى سماعه

وبعد ما خلصت بدأت ارجع كل حاجه مكانها تانى وخطوات التركيب عكس خطوات الفك
ومتنساش تغطى اى سلك بشيكارتون او العازل تجنباً لحدوث اى مشكله

وكمان خلى بالك انا لما ركبت الكاسيت فوق والدرج تحت ما ركبش معايا مظبوط فأضطريت انى ابدل الدرج فوق الكاسيت تحت ودى النتيجه النهائيه

http://www.nahdabns.org/upload/DSC_0135.jpg
http://www.nahdabns.org/upload/DSC_0136.jpg
http://www.nahdabns.org/upload/DSC_0137.jpg

اتمنى انى اكون ساعدتكم لحل المشكله اللى كتير بيدور عليها وانا تعبت جدا علشان اعمل الموضوع دا فأتمنى اللى ينقل الموضوع لأى مكان يذكر المصدر
تحياتى
أخوكم / هانى طه