لمبة Check Engine نورت و طلع العطل "p0551 power steering pressure sensor circuit rang
 

إلنهردة لمبة Check Engine نورت و أنا يدوب كنت لسة عمل الصيانة السبت اللي فات ، كلمت الخلوق مهندس اسامة مبروك و نصحني اني أروح اكشف عليها في مركز الشرابية عشان كان هو أقرب مركز لمكاني وقتها و كان متعاون جداً معايا

بس للأسف أنا مكنتش فاضي اني أطلع على المركز فقلت أخلص مشاويري و أروح على القطامية عشان جنب البيت ، كلمت أستاذ عماد حبيب و قللي أروح على المركز و أدخل على أستاذ صبحي و هو هيقوم باللازم و بصراحة لما رحت هناك لقيت الراجل مستنيني بكل بشاشة و بيقولي بسيطة إن شاء الله ، مفيش 10 دقائق و عمل للعربية أمر شغل و دخلت إتحطت على السكانر و المشكلة إتحلت و طلعوه يجربوها

شوية و الاستاذ صبحي كلمني و بيقولي تعالى إستلم العربية ، سألته كانت إيه المشكلة أخبرني إن السكانر كان مدي العطل دة
"
p0551 power steering pressure sensor circuit range/performance
"
حد يعرف إيه معنى العطل دة ، أنا إلي فهمته ان كان فيه حاجة مفكوكة و هما ربطوها

من الترجمة للعطل على حد معلوماتي كان فيه مشكلة في حساس تبع الدركسيون بس إيه بالظبط المشكلة بصراحة مش عارف

رد: لمبة Check Engine نورت و طلع العطل "p0551 power steering pressure sensor circuit rang
 

p0551 power steering pressure sensor circuit range/performance

كترجمة
المدى و الاداء لدائرة حساس ضغط سائل المقود الالى
بالعربى
ما شاء الله العربية مزودة بحساس لضغط دايرة الباور عشان لو لا قدر الله حصل تسريب تقوم تلحقه قبل ما تحصل مشكلة اكبر
و وارد انهم يكونوا لاقوا خرطوم سايب او ماسورة مش مربوطة فكان الضغط ابتدى يقل فعشان كده الحساس ( اللى اكيد عبارة عن بريشير سويتش - بمعنى مفتاح ضغط ) حس ان الضغط قل فنور لمبة ال check

رد: لمبة Check Engine نورت و طلع العطل "p0551 power steering pressure sensor circuit rang
 

مشكور جداً على الافادة يا أستاذ أحمد، و أنا شاكك فعلاً إن فيه حاجة كانت سايبة لأن شفتهم كانو بيربطه حاجة جوا الموتور من عند الفانوس الشمال و إنت وقف أمام العربية

سؤال تاني معلش، هو الاوبشن دة زيادة عن الستاندرد ولا موجود في أي عربية فيها باور ذي اللانوس و الفيرنا و الافيو ؟؟ أصل أنا لاحظت إن حضرتك كاتب "ما شاء الله العربية مزودة بحساس لضغط دايرة الباور"

رد: لمبة Check Engine نورت و طلع العطل "p0551 power steering pressure sensor circuit rang
 

لا طبعا اللانوس و الافيو و الفيرنا مفيهومش
ربنا يبارك لك فيها يا رب

رد: لمبة Check Engine نورت و طلع العطل "p0551 power steering pressure sensor circuit rang