استفسار ضرورى سترووين zx
 

السلام عليكم ورحمة الله

اولا هل السترويين ال zx لها قطع غيار وهل اسعارها غاليه ام متوسطه ؟ مقارنه مع الدايو لانوس مثلا لأنى ناوى اشترى كمان كام يوم إن شاء الله

وهل يمكن تسقيط مكنه 1600 بدل ال 1400 اللى فيها وهل تنصحونى بذالك ام لا وهل ستكون مكلفه ؟ ارجوا الرد والاهتمام
اسف على الاطاله
السلام عليكم ورحمة الله

رد: استفسار ضرورى سترووين zx
 

السيتروين حاجاتها كتير فى القاهرة معرفشس حضرتك منين
واسعارها اغلى من الفيات واعتقد اغلى من الانوس
والمكنة السيتروين الـ 1400 يبركبلها الشورت بلوك بتاع الاكسارا الـ 1600 على نفس ادوات التغذية
والشورت بلوك بتاع الاكسارا بحوالى 1200 حنية او اكثر قليلا

رد: استفسار ضرورى سترووين zx
 

الف شكر يا باشا على سرعة الرد والاهتمام :: انا من القاهره وفيصل بالتحديد

لى استفسار هل الشورت بلوك هيحتاج تعديل سواء فى الفرامل او العفشه او اى شئ ؟ اعذرنى لأنى جاهل ميكانيكيا واطمع إن استفيد من خبرة حضرتك
وهل تنصحنى ان اتوكل على الله واشتريها وما هو متوسط سعرها شرط الحاله الممتازه

اسف على الاطاله وشكر مقدم لحضرتك على اهتمامك وسرعه ردك وللمعلومات الاكثر من ممتازه بالنسبه لى
السلام عليكم ورحمة الله

رد: استفسار ضرورى سترووين zx
 

لو هاتركب مكنة او شورت بلوك اكسارا اعتقد مفيش اى تعديل بيتم لا فى قواعد الموتور ولا فى نظام الفرامل
ولا فى العفشة
بخصوص نصيحة الشراء
العربيات دى كويسة جدا بصراحة واسعة اوى من جوة وفيها ثبات حلو ونعومة الفرنساوى وشنطتها واسعة مش ديقة
متوسط السعر للحالات الممتازة من 27 الى 30 الف
بيشترك فى السعر دة عربية فرنساوى برضة وهى رينو رينبو او رينو 19
بس الرينبو وال19 قطع غيارها اكتر وارخص حاول تفكر فيها
بس انا عاوز اعرف من حضرتك لية ومن قبل ما تشترى عاوز تسقط مكنة 1600 مع العلم المكنة الـ 1400 اللى فى الـZX حلوة اوى وعلى اد العربية
ونصيحة خلى بالك من اللون الاسود فى الZX لو لونها اسود فتش فى العربية كويس اوى وفى الورق بتعها

رد: استفسار ضرورى سترووين zx
 

انا بفكر فى المكنه ال 1600 لأنى كان معايا لانسر 2003 1300 cc ومش عايز اقولك مع التكيف لو على طريق سفر او عمتا كانت بتجمع بصعوبه مع التكيف علشان كده انا خايف من الحكايه دى فى المكنه ال 1400

ثانيا انا شوفت الرينبو و ال 19 وبصراحه مش حاسسها عاطفيه :D ولكن سوف اعيد النظر فيهم مره اخرى
ولكن عندى سؤال اشمعنى حضرتك ذكرت اللون الاسود مخصوص لأنى كنت بدور على اللون ده بالزات :w6w2005041122053268