مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   مقارنات (https://www.masrmotors.com/vb/forumdisplay.php?f=174)
-   -   كورولا 2013 ام لانسر بومه 2013 وهل تستحق الكورولا فرق ال30+ ألف (https://www.masrmotors.com/vb/showthread.php?t=101036)

amr-osama 26-10-2012 04:58 PM

كورولا 2013 ام لانسر بومه 2013 وهل تستحق الكورولا فرق ال30+ ألف
 
السلام عليكم

انا حاطت الموضوع دا عشان ناوي ان شاء الله اجيب عربيه جديده خلال اسبوعين او 3 اذا شاء الرحمن .

- مش عارف ابدأ منين بس الوالد ان شاء الله ناوي يجيب عربيه وهو عايزها تكون حاجه ياباني عشان هو مقتنع بيها اكتر .. ورافض الكوري تماما ..
- طبعا شوفنا وانحسر الخيار بين اللانسر بومه 2013 هاي لين والكورولا 2013 هاي لين ..
- الوالد عايز يجيب اللانسر لعدة اسباب ( هنقولها ) وانا طبعا عايز الكورولا ..
- طبعا هو من النوع الي اهم حاجه عندو الاعتماديه والعربيه تكون كويسه .. ودي طبعا حاجه مشتركه في العربيتين .. وميفرقش معاه الشكل وكدا ..
- طبعا قعدنا كدا قعده وبدء النقاش هو بيقول اللانسر من وجهة نظره شايفها احسن وسعرها كويس بالنسبه للكورولا عشان فرق ال30 الف واكتر .. مسكنا حاجه حاجه وبدانا نشوف انهي احسن ..

1- الموتور: طبعا الكورولا افضل ..
2- العافشه: الاتنين عفشتهم كويسه ..
3- الوسع : الاتنين واسعين بردو ..
4- الاعطال وعمر العربيتين : الاتنين جيدين جدا والكورولا افضل قليلا ..
5- قطع الغيار : طبعا اللانسر افضل ..وأي حد ممكن يشتغل فيها وبمبالغ قليله جدا بالنسبه للكورولا
6- سعر اعادة البيع : بردو اللانسر ..
7- الثبات : من اللي سمعتو ان اللانسر افضل وفي ناس بتشتكي من ثبات الكورولا مع العلم يعني ان سرعتنا عمرها ما هتزيد عن 140 او 150 يوم مندوس جامد اوي ..
وحجات تانيه عشان منطولش ..
- عموما طلعنا ان الاخر ان الكورولا افضل في المتور والشكل نسبيا ..
انا حاولت اجيب من هنا من هنا قمت قايلو طبعا اللانسر مفهاش كماليات خالص عكس الكورولا قام قايلي ايه الي يفرق .. قمت ساكت كدا ثواني وببص لقيت ان العربيتين تقريبا يفتقروا للكماليات جدا .. وشكل التابلو الاتنين سيئين بصراحه مع افضليه للكورولا شويه ..
وهو عندو اعتراض في الكورولا ان الفوانيس بتاعتها طالعه لبره وده بيزود نسبة تعرضها للكسر في اقل خبطات .. ( عايز بصراحه الخبراء يفيدوني في الحكايه دي ) ..

فهو قالي لو عايز اجيب الكورولا اقنعو بحاجه فعلا يقتنع بيها بصراحه انا ملقتش حاجات كتير غير الشكل ( مع انو مش شبابي أوي ) والموتور والبرستيييج انك راكب تويوتا ..

وهو طبعا الشكل ميفرقش معاه والبرستيج ميفرقش معاه .. وبقي الموتور بس ..
فانا عايز حد يقنعني انا اولا هل فعلا الكورولا تستحق فارق ال30 ألف ولا لأ .. وبعدين ابقى اقنع الوالد بيها ..
والمشكله اني سمعت ان الكورولا هتتغير للشكل الجديد في موديل 2014 .. ودا طبعا هتبقى حاجه سلبيه عشان هيأثر في سعر اعادة البيع وهنحس العربيه قدمت بسرعه ..

وشكرا وآسف لو طولت عليكم .. وياريت لو حد عندو رأي يقولي ..

AMMI 26-10-2012 07:26 PM

رد: كورولا 2013 ام لانسر بومه 2013 وهل تستحق الكورولا فرق ال30+ ألف
 
طبعا انت والوالد مش مفتنعين بالكورى بس بصراحه انا شايف ان الكورى فى تقدم مستمر
انا لو منك ياما اجيب الكورولا
انما لو هترسى على اللانسر هحيب الكيا ريو الجديده الهاى لاين
لكثرة الاوبشن اللى فيها
عندك طى مرايات كهرباء - جنوط سبور - فتحة سقف كهرباء - طاره مالتى - مثبت سرعه

tamer.koko 26-10-2012 07:42 PM

رد: كورولا 2013 ام لانسر بومه 2013 وهل تستحق الكورولا فرق ال30+ ألف
 
يعني التويوتا اللي هتنزل الشكل الجديد 2014 هتحسسك ان العربيه قدمت
وانت رايح تشتري لانسر بومه اللي بتنزل من 2004 بنفس الشكل ونزل بعدها شكل جديد وهينزل الشكل الجديد برده في 2014 ده اللي عادي
تحياتي لتفكيرك الغير منطقي :GROWIN~12:

amr-osama 26-10-2012 09:16 PM

رد: كورولا 2013 ام لانسر بومه 2013 وهل تستحق الكورولا فرق ال30+ ألف
 
اقتباس:

المشاركة الأصلية كتبت بواسطة AMMI (المشاركة 785413)
طبعا انت والوالد مش مفتنعين بالكورى بس بصراحه انا شايف ان الكورى فى تقدم مستمر
انا لو منك ياما اجيب الكورولا
انما لو هترسى على اللانسر هحيب الكيا ريو الجديده الهاى لاين
لكثرة الاوبشن اللى فيها
عندك طى مرايات كهرباء - جنوط سبور - فتحة سقف كهرباء - طاره مالتى - مثبت سرعه

لان احنا ناس كتير في العائله وناس نعرفهم معاهم السيراتو والالنترا وبيشتكو منها وبيقولوا بلاش تجيبوا كوري .. حتى لما قريت على النت لقيت كلو بيقول في الاول هتقول عربيه هايله لكن بعد سنه او اتنين هتبدأ المشاكل تظهر تباعا ..

amr-osama 26-10-2012 09:19 PM

رد: كورولا 2013 ام لانسر بومه 2013 وهل تستحق الكورولا فرق ال30+ ألف
 
اقتباس:

المشاركة الأصلية كتبت بواسطة tamer.koko (المشاركة 785425)
يعني التويوتا اللي هتنزل الشكل الجديد 2014 هتحسسك ان العربيه قدمت
وانت رايح تشتري لانسر بومه اللي بتنزل من 2004 بنفس الشكل ونزل بعدها شكل جديد وهينزل الشكل الجديد برده في 2014 ده اللي عادي
تحياتي لتفكيرك الغير منطقي :GROWIN~12:

لما نيجي نشتري كورولا وبمبلغ كبير زي دا مش هنكون عايزين الشكل يتغير بسرعه عشان سعر اعادة البيع الي اكيد هيتأثر ..
غير ان البومه خلاص احنا عارفين شكلا وهو هيفضل ثابت على كدا ..

فكل عربيه ليها تفكير معين ليها لو فهمت وجهت نظري ..


الساعة الآن 02:34 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017