مصر موتورز مجتمع السيارات - الحقوني يا جماعه

يا جماعه الخير
من اسبوع بفضل الله اشتريت عربية E200 موديل 1996 W210 و كان طبعا كالعاده فيها شويه حاجات رفايع مش شغاله و قولت اعملها انا

المهم من ضمن الاعطال ان الطاره الكهرباء كانت لا تتحرك للاعلي و الاسفل ،،، المهم جبت الكهربائي عند البيت و فكينا القطمه و عملنا الترس المفوت و اشتغلت و كان لابد من فك الكونتاكت علشان القطمة تطلع و تم فكه و تم تركيب كل ما سبق بفيشه و كله تمام

و فولت للكهربائي يشيك علي فيوزات العربية بالمرة لان فيه كام حاجه كده مش شغاله (نور فرش الابواب الامامية ) و الستاره الكهرباء و غسيل الفوانيس الامامية و كده قولت علشان نبقي علي نور و مطمئنين ان العيب مش فيوز
و لكن كل الفيوزات سليمه

فوجئت ان التكييف مش عاوز يشتغل بالرغم انه كان شغال زي الفل ( البلاور شغال و البوابات و كله ما عدا الجزء اللي في الحوض الكباس و المراوح ) مش عاوزين يشتغلوا

من باب الاختبار جبت فرده سلك و وصلتها علي سلك الكباس اشتغل تمام هوه و المراوح و كله زي الفل بس طبعا ده مش حل .... اعمل ايه يا رجاله حد يقولي انا هتجنن

و تايه انا و الكهربائي في العربية و مش عارفين نوصل لحاجه التكييف ديجيتال ديول زون اللي شكله عامل زي الكاسيت حته واحده و شاشه عريضه و فيه تحكم لكل جنب لوحده

و كمان من فضلكم هوه العربيه دي مفيهاش لمبه زيت و بطاريه مع الكونتاكت طيب ازاي الواحد يعرف يقلب المنيو بتاعت الحاجات دي من شاشه العدادات