|
حد عنده فكرة عن المشكلة دى ؟
لدى سيارة فى مصر بعقد بيع مسجل باسمى ورخصة سارية , واعمل فى عمان
الآن أخى يحتاج السيارة للتحرك بها ولا أستطيع عمل توكيل له من عمان لبعد المسافة عن العاصمة مسقط فهل .. يمشى بيها بعقد البيع بتاعى على انه أخى أم انه ممكن يوقفوه فى لجنة مرور ؟ .. يصور عقد البيع ويصحح اسمه ( محمد ) بدل اسمى ( محمود ) ويمشى بصورة العقد ؟ .. اتصلنا بالمالك الاصلى للسيارة وحاولنا اقناعه بعمل توكيل ادارة لاخى ولكنه رفض لأنه بايعهالى بعقد بيع مسجل منذ سنه .. بالرغم من عدم وجود خدمة الكمبيوتر فى الشهر العقارى لدينا ( كانت هتعدى لو وافق ) .. يعمل عقد بيع ابتدائى ويوقع عليه 2 شهود ويوقع باسمى مكان البايع ( اللى هو انا ) ..؟؟ هل يمكن السير بمثل هذا العقد ؟ وشكرا لكم |
رد: حد عنده فكرة عن المشكلة دى ؟
انا كنت بسوق عربيه والدي ... و طبعا اي لجنه بيشوفو الرخص و يرجعوها و ميكلمونيش في اي حاجه ... و متهيألي طالما اخوك يعني نفس الاسم مفيش مشاكل
والله اعلم |
رد: حد عنده فكرة عن المشكلة دى ؟
يسوقها عادى جدا مادام الرخص سليمة وسارية المفعول ودرجة القرابة من الدرجة الأولى يعدى من أى كمين أو لجنة حتى لو اللى واقف فى الكمين لامؤاخذة رئيس الجمهورية وده على مسئوليتى الشخصاوية ....
لكنه لايستطيع التعامل مع المرور الا بتوكيل منك يعنى لو الرخص اتسحبت لأى سبب أخر زى أمن ومتانة مثلا يعنى رخصة السيارة هى اللى اتسحبت لازم سيادتك تعمله توكيل يتعامل به مع المرور غير ذلك كله فله وتمام التمام وبرضه ده على مسئوليتى الشخصاويةptmnlo123per172 |
رد: حد عنده فكرة عن المشكلة دى ؟
أتفق مع ما قيل تماما
|
رد: حد عنده فكرة عن المشكلة دى ؟
شكرا للردود الايجابية ربنا يخليكوا لينا هبعتله فورا لنك المشاركة دى ليتطمن
|
| الساعة الآن 07:24 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017