|
رد: سايبا تيبا 2014 !!!
|
رد: سايبا تيبا 2014 !!!
cars admire
سؤال فنى....احنا لو غيرنا بطارية العربية ببطارية جافة سبعين امبير بدل البطارية السايلة الخمسين امبير اللى فيها...هتفرق والموضوع ده يؤثر على الدينامو؟ |
رد: سايبا تيبا 2014 !!!
تقرير بعد 4000 كيلو :
*************** بالنسبة للعفشة ممتازة ( العفشجية قالوا انها عفشة كيا ريو بالكامل) الواحد بيفحت بيها فى الشوارع المكسرة وثابتة كفاءة الصراحة السحب جيد جدا خاصة بعد ما العربية لينت.. غيارات الفتيس قصيرة يمكن علشان العربية 85 حصان التكييف ممتااااااااز على الاقل فى تجربتى مع العربية بس فى ناس بتقول ان التبريد عندها مش جامد فى الحر... قطع غيارها حتى الان هى نفسها بتاعت الكيا (غيرت بلية عجلة خلفية بخمسين جنيه فقط لاغير) ثبات العربية على الطريق فوق فوق فوق الممتاز ...حتى على السرعات العالية ومع المناورة والغرز كمان قفلت الابواب مش عاطفية تحس انها قفلت باب عربية 32 بس انا هجرب اغير الكاوتش بتاع الابواب واشوف النتيجة الخلاصة: ****** مازلت اقول ان العربية مناسبة جدا للاجواء والشوارع المصرية ...عالية عن الارض /عفشتها ممتازة / تكييفها ممتاز/ قطع غيارها رخيصة / سعرها مناسب جدا تحياتى وأى استفسار انا فى الخدمة |
رد: سايبا تيبا 2014 !!!
العربية ماشاء الله بحترمها يوم بعد يوم....
ثبات العربية على السرعات العالية عشرة على عشرة وبصراحة يضاهى أتخن عربية فى السوق الفرامل ال abs شغالة عشرة على عشرة ولحقتنى فى اكتر من موقف على الطريق . بالنسبة لقطع الغيار ثبت ان العفشة بتاعت الريو ....بلى العجل بخمسين جنيه عند اى واحد بتاع بلى انا غيرت سلك الديبرياج (افتكاسة من عندى) قولت اشوف يركب بداله ايه ويمكن يطلع انعم...وفعلا طلع بتاع المازدا 323 التكييف حلو جدا وطبعا خلاص الحر دخل وجربته اكتر من مرة على الطريق....لما ببقى راكب لوحدى بشغله على اتنين فى عز الحر وبيبقى مبرد تمام التمام... العربية ممتازة فى المطبات....تخش ع المطب بقلب جامد لان العربية عالية من على الارض الغيارات كانت قصيرة...لكن بدأت تريح...يعنى كنت بنقل من التانى للتالت على سرعة 40 كانت بتبقى يدوب المكنة على الأخر...دلوقتى بنقل الغيار مستريح...معرفش سلك الديبرياج ده له علاقة بالموضوع ولا لأه ..بس عموما الموتور بقى فيه عافية عن اول ما اشتريت... الخلاصة : العربية ممتازة وسعرها ممتاز وقطع غيارها رخيصة ولحد دلوقتى فى حاجات كتير بتركب ليها من الكورى واليابانى... فى طبعا عيوب ظاهرة فى التقفيل زى قفلت الابواب ...وده انا ظبطه على ايدى.... السنتر بيعلق ...خدتهم كده باب ورا التانى ...بس كل باب بيتعمل مابيعلقش تانى... تحياتى |
انا معملتش كده مع اى انجيكشن بسبب انى خايف ال ECU تتحرق!!!
اقتباس:
لكن طبعا كل العربية هتبقى افضل انا كنت غيرت بطارية البرايد الكربراتير ببطارية تمانين امبير ومحصلش اى ضرر للعربية بالعكس ده مكن الزجاج الكهرباء بقى سريع باللمس وكل نور العربية بقى قوى ونور التابلوه بقى شمس وكل ما هو كهرباء فيها بقى قوى جدا وخصوصا استجابة الموتور لاءن كهربة البوجيهات بقت اشد لكن انا معملتش كده مع اى انجيكشن بسبب انى خايف ال ECU تتحرق لاءنك لاتستطيع الاقرار هل تتحمل زيادة الامبير ام لا لكن ممكن تزود فى حدود خمسة امبير عن بطارية الشركة واعتقد انه لن يضر بل سيفيد الى حد كبير :pod_of_gold: |
| الساعة الآن 11:58 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017