بخصوص مازدا 323
 

انا بدور على مازدا 323 ولاقيت واحدة هاتشباك موديل 84 بتكييف بلادها بس فيها كوبلن و مقص عايزين يتغيرو وطالب فيها 21000 جنيه
كويس السعر دة ولا ايه
و اخبار الكوبلن و المقص دول ايه سهل تغييرهم و لو حد عنده معلومات عن اسعارهم يبقى بكامن ؟
و الف شكر مقدما على المساعدة

رد: بخصوص مازدا 323
 

حبيبي نصيحتي ليك غير ال2 كوبلين سوا مع بعض ويكونوا جداد
وسعر الجوز الألماني من 400-450 انا جيبتهم من فترة و بسم الله ماشاء الله عليهم
اما بالنسبة للمقصات تجيب الجوز استيراد من الوكالة او من الحرفين يكون افضل
وبالنسبة لتغيرهم سهل جدا عند اي حد بتاع عفشة مش هايخدوا اكتر من ساعة زمن

رد: بخصوص مازدا 323
 

بصراحة عربية نايس بيس يا معلم

رد: بخصوص مازدا 323
 

عربية جميلة جدا
ياباني - ناعمة - عائلية - اعتمادية

أحسن عربية مستعملة من وجهة نظرى

رد: بخصوص مازدا 323
 

أولا لازم نعرف العربية فبريقة ولا لأ، لأن السعر ده عالي على عربية هاتشباك.
أما بالنبسة للكوبلن والمقصات فالقصة هتكلفك بالمصنعية حوالي 900 جنيه، يعني قول ألف. طبعا على أساس إنك هتجيب جديد مش استيراد.
أما لو استيراد فممكن الموضوع يقل 200 جنيه.
لكن الأهم إن عشان نقولك السعر ده كويس ولا لأ، يبقى لازم نعرف كل شيء عن العربية، يعني الفبريقة، والماتور وبقية العفشة (المساعدين والبيض وما أشبه)، والبطارية والكهربا، حالة الصالون عاملة إيه. كل ده هيحدد سعر العربية.
لكن مبدئيا هي غالية، وربنا يوفقك