مصر موتورز مجتمع السيارات - العنف على طريقة شارلى ابيدو

https://scontent-b-cdg.xx.fbcdn.net/...0d&oe=5522AF64

‫ العنف واحد من الافعال واللى بتم ساعات بدافع الفهم الدينى والايدولوجيا والعقيدة والكلام الكبير دة او ساعات من غير فهم خالص حتى وبدافع من المشاعر فقط .. وفى الحالتين هنلاقى كل الاديان متساوية

وللدقة نقدر نقول ان كل اتباع الديانات الابراهيمية تحديداً (يهودية مسيحية اسلام ) ليهم سوابق عنف واضحة فى التاريخ وشواهد لاتزال قائمة للعيان ..

مسيحيين مثلا قتلو فى بعض ايام الرومانيين باسم الدين وولعو فى بعض حرفيا ايام العصور الوسطى باسم الدين وفيه مسيحيين فى المانيا باسم الدين قتلو اليهود وفيه مسيحيين فى اسبانيا باسم الدين علمو ابشع جرائم الحرب والتعذيب ضد المسلمين وفيه مسيحيين من كل اوروبا عملو مجازر باسم الحملات الصليبية ومازال فرسان المعبد كفكرة وكواقع ايدلوجى موجودين وفيه مسيحيين قتلو الهنود الحمر باعتبارهم شياطين واستعبدو السود باعتبارهم احفاد حام اللى كل مشكلته انه اتاخر فى تلبية نداء جدة ابراهيم فى مرة فدعا عليه يبقى هو ونسلة عبيد لولاد العم سام
العنف ليس صناعة اسلامية بالعكس الاسلام اقرب الرسالات الثلاث للسلام

وبدافع العاطفة من الحب ما قتل برضو فمش مستبعد من المنطق ان تتم جريمة بالبشاعة ديه بدافع الحب والغيرة قبل الكراهية والانتقام ومعاهم .. كلنا عرضة للجوء للعنف بدوافع الحب والغيرة والكره والانتقام والدفاع عن الشرف
من المقدمتين دول انا بالنسبالى الموضوع مش واقف على قوالب الارهاب الاسلامى ولا الحادث المروع اطلاقاً

اى حد بيرغى فى الاطارين دول يا مخه على قدة ولسه مش فاهم يا كلب كدة كدة بيعوى بمناسبة وبدون مناسبة لكن انا اللى مستغربة جريدة رخيصة زى ديه بقالها سنين على كدة ومحدش بيقراها ومبتبيعش ولا حد بيسمع عنها وبعد ما اوشكت خلاص على الافلاس وهتقفل فعلياً ارجع اسمهم ورسوماتهم على كل صحيفة وعلى كل لسان !
يعنى لما بيبقى فيه حملات وقوانين ضد الحجاب منشوفكش وضد الماذن منسمعش صوتك ورسومات فى صحيفة محدش بيشتريها تخليك تقتل 12 نفس !!

ده اللى غريب كمنطق بصراحة وانا كواحد بحب افكر واحلل مش عارف افهمة ابسلوتلى الحقيقية لو حد فاهم ياريت يفهمنى لكن اللى مش محتاج تحليل ولا تنظير هو ان الفعل سىء وردود الافعال لازم هتبقى اسواء وده ينطبق على كل المستويات
فعل الرسوم المسيئه كان سىء ومهما كانت حرية التعبير فضيلة المفروض متتعارضش مع باقى الفضائل اللى بتدعو لاحترام مشاعر الاخر وفعل الانتقام كان سىء كذلك ردود الافعال المنتظرة ومازلنا ننحدر من السيىء للاسواء ومازلنا فى انتظار نقطة التحول

‫#‏الانسانية_هى_الحل ‬