الحمد لله قربت من ال 100 الف كيلو متر في 3 سنين.
 

العربية بصراحة صرفت شوية لاني بعملها الصيانة علي طول في التوكيل.
بس انا شايف من وجه نظري ان دة احسن.
ولو ان توكلهم مش قد كدة يومهم طويل اوي وحاجة اخر عك في عك.
-----------------
العربية بصفه عامة جيدة جدا.
--------------
كل المشاكل مقدور عليها.
--------------
لكن عندي بقي مشكلة مش عارفين يحلوها خالص في التوكيل كل ما اروح يثبتوني بكلمتين وامشي.
-------------------
المشكلة عبارة عن وانا ماشي الاقي البنزين راح ومجرد ما اشيل رجلي 3 ثواني يرجع تاني وطبعا لو فضلت سايب رجلك علي دواسة البنزين بتنتش لان لما فصلت بنزين سرعتها قلت وانت مدي معدل بنزين اعلي من السرعة اللي وصلتلها لما نزلت.

المهم انا شاكك في طلمبة البنزين

انما بهوات التوكيل بيقولو انها مشكلة في سويتش وظيفتة انه يقفل علي البنزين لما تشيل رجلك علشان تحطها علي الفرامل فالسويتش بيعلق. ( علي فكرة حاجة مرعبة لو حد قلبه خفيف هيتاخد بسبب المشكلة دي بس الحمد لله ربنا كريم وبيسترها معايا).

لو حد عندة او قابل المشكلة دي يقولي لاني بقالي زمن بعالج فيها ولكن للاسف التوكيل فشل فشل زريع.

رد: الحمد لله قربت من ال 100 الف كيلو متر في 3 سنين.
 

الف مبروك على العربية وربنا يهنيك بيها ... وبخصوص المشكلة دي ان شاء الله خبراء الميكانيكا في المنتدى يفيدوك لاني ماليش في الميكانيكا اوي ..

رد: الحمد لله قربت من ال 100 الف كيلو متر في 3 سنين.
 

رد: الحمد لله قربت من ال 100 الف كيلو متر في 3 سنين.
 

الف مبروك وربنا يكفييك شرها ويديك خيرها
لكن العيب ده لو ميكانيكى شاطر
هيحل هذة المشكله جمد قلبك شويه
تحياتى ادم
:129E17~143:

رد: الحمد لله قربت من ال 100 الف كيلو متر في 3 سنين.
 

انت تقصد ايه بان البنزين راح ؟؟؟؟ لو كنت تقصد العداد فده ممكن يكون الطلمبه بتاعت البنزين او الحساس بتاع عداد البنزين لو انت مش تقصد العداد وتقصد انك وانت ماشى البنزين بيروح منك يبقى مش مشكلة طلمبه لان الطلمبه لو فيها حاجه العربيه هتقطع منك وكأنها مش واصلها بنزين كويس انا ارجح فكرة التوكيل عن السوسته دى