|
سؤال للخبراء, و طبعاً محدش يرد عليه
السلام عليكم
كعادة الأسئلة إللى بسأل فيها الناس هنا و بعد شهر بحاله يا دوب أكتشف إن..... مفيش حد بيرد برضه المهم أهو سؤال جنب إخواته و الفرج من عندك يا رب كنت فى مشكله أثناء العيد إللى فات ده (كل سنه و أنتم بخير) غيرت الأبلاتين و نسيت إتجاه الشاكوش بتاع الإسبراتير و حاولت مليون مرة مفيش حل, خلفت تقسيمة, لحد ما الحاج ربنا يبارك فيه نزل و بمحض الصدفه و توفيق من الله عز و ركب الإسبراتير و الحمد لله الحلوة أتكلمت بس طبعاً مش مضبوطة, فيه رعشة جامده جداً فى المكنه لدرجت إنها بتفصل, حاولت أعالجها مؤقتا بتعلية الآر بى إم شوية عاوز طريقة تقسيم الإسبراتير (يعنى لو قسمت كهربا و أول بستم فوق و كمان علامات ترس الكامة و الكرنك المفروض شكل صينية الإسبراتير إزاى لأن المفروض الكهربا تكون قبل نهاية الشوط فمش عارف دى بتتضبط إزاى) معلش لو حد فكر يكسب ثواب و يرد يا ريت الشرح بوضوح و بساطه لأنى قريت مليون موضوع فيهم لمبات و مسدس توقيت و حاجات غريبة مش فاهم منها حاجه و شكراً مقدماً |
رد: سؤال للخبراء, و طبعاً محدش يرد عليه
عليك و على mr astra
|
رد: سؤال للخبراء, و طبعاً محدش يرد عليه
اقتباس:
واخونا العزيز zingo كاتب انه قرا مواضيع كتير فيهم لمبة فعرفت انة انا اولا الشاكوش ما ينفعش يركب معكوس على الاكس بتاعة يبقى لازم ينزل فى اكس الاسبراتير فى اتجاة صحيح (بطح) كمان وش الاسبراتير ما ينفعش يركب معكوس بمجرد ان حضرتك بتطلع البستم رقم واحد لفوق فى شوط الضغط او تخلى الشرطة اللى على الطنبورة مقابلة للـ 3 شرط الل على وش التقسيمة يبقى كدة وضع البستم رقم واحد لفوق وفى شوط الضغط تلف الشاكوش يمين او شمال بحيث انة يكون مقابل نحاسة وش الاسبراتير رقم واحد وخلى بالك وانت بتسقط الاسبراتير تخلى فى براح او مسافة للف الاسبراتير سواء يمين او شمال يعنى تنزل الاسبراتير وتبص على المسمار بتاعة يكون فى نص مشوار الرجلاش وتربط المسمار بايدك او بمفتاح بس بدون تقريط وتدور العربية وتبدا تلف الاسبراتير يمين او شمال مع سماع صوت الموتور والنظر الى العادم للحصول على افضل وضع ممكن...... |
رد: سؤال للخبراء, و طبعاً محدش يرد عليه
مش لائي كلام اقولة
|
رد: سؤال للخبراء, و طبعاً محدش يرد عليه
جزاكم الله خيراً
و 1000 شكر أخى مستر أسترا ============ أنا هأكتب إللى فهمتة و حضرتك بس راجع على الخطوات لو فيه حاجه غلط ------------------------------------------------- 1- هنقسم كهرباء المكنه عادى, بس من فوق و تحت مش فوق بس, يعنى علامة ترس الكامة مع الزونبة و علامة ترس الكرنك على الشرطة إللى فى النص (لأن الكتالوج بيقول الضبط عليها لتقديم الشرارة قبل وصول البستم لآخر الشوط) علشان يبقة دورة الحريق فى أولها. 2- فى الوضع ده المفروض أنزل الإسبراتير مكانه و يكون إتجاه تلامس الشاكوش مع النحاسة إللى فى الكوباية (الغطا) إللى خارج منها سلك البوجية رقم واحد (أول بوجية من ناحية الكاتينه) 3- أخلى الإسبراتير فى نص المسافة علشان أعرف أقدم أو أخر كهربا بدون إعاقة أى كابلات أو أسلاك الكلام ده مضبوط ؟؟؟ جزاكم الله خيرا و شرفتوا موضوعى أحمد على 1999 mr_astra amr elsisi 1 Hisham.Elgazzar |
| الساعة الآن 03:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017