رولمان بلي الاطار الامامى
 

السلام عليكم

الحمد لله اشتريت ستروين ايه اكس بس فيها صوت ناحية الفردة اليمين ورحت لميكانيكى قالى عايزة تغير بلي ؟ ايه البلي ويتغير بكام وافضل أنواعه ومدى تاثيره لو متغيرش ؟

حاجة كمان الزجاج الامامى اتكسر بيتغير بكام تقريبا وهل فيه نوع معين ؟

اخر حاجة الكبوت بيتغير بكام ومن فين ؟

شكرا جزيلا

رد: رولمان بلي الاطار الامامى
 

http://1.bp.blogspot.com/-qY8TjQglFP...earing%2B1.jpg

رولمان البلى مكون اساسى فى اغلب السيارات والمعدات الميكانيكية عموما وبتبقى باشكال وانواع مختلفة وطبعا فيه ماركات كتير اشهرها فاج واس كية اف .. راجع الصورة المرفقة

المفروض الميكانيكى يديك البلى القديم وتروح تجيب اخوة واسعاره فى رينج ال 100 جنية غالبا حسب النوع والمقاس

رد: رولمان بلي الاطار الامامى
 

الزجاج الامامى اديلة متوسط سعر 500 جنية وبيوصل ل 800 واكتر حسب النوع والحالة اذا كان جديد او استيراد
وعندك اتجاهين التالت ملوش اى لازمة
1- تنزل الحرفيين تدور عليه استيراد وتشوف حالتة وسعره كام فى الرينج اللى قولتلتك عليه
اكتر من 500 او حالتة مش عجباك تروح الاتجاة التانى .. جريش وده ليه فروع كتير (دكتور جريش )
وده مصرى بس جودتة ممتازة وفى نفس الرينج تقريبا

الكبوت تسال عليه فى نفس لفتك على بتوع الاستيراد فضى نفسك يوم وانزل اتمشى فى الحرفيين

رد: رولمان بلي الاطار الامامى
 

شكرا جزيلا طيب سؤال تانى لو هرش الكبوت والرفرف اليمين دوكو يكلفوا كام ووقت اد ايه ؟ معلش اسئلتى بدائية لانى مبتدء