كاوتش تيوبلس ولا عادى ؟؟
 

ممكن الاخوة اللى عندهم كاوتش تيوبلس يقولولنا ايه مميزات وعيوب التيوبلس ؟
كمان: امتى يتم تغيير الكاوتش (كل كا م كيلو ) ؟
ولو انا معايا عريبه زيرو هل تنصحونى اغير الكاوتش العادى واخليه تيوبلس ؟ ولا طالما الكاوتش جديد والعربيه زيرو يبقى اخليه احسن ؟؟

فى انتظار اراءكم
تحياتى للجميع

رد: كاوتش تيوبلس ولا عادى ؟؟
 

الرد في الاقتباس

رد: كاوتش تيوبلس ولا عادى ؟؟
 

في اضافة بسيطة
دلوقتي بقي فيه هواء نيتروجين
لا يتمدد بالحرارة في الصيف
ولا يتأثر باختلاف درجات الحرارة و بيطول عمر الكاوتش

رد: كاوتش تيوبلس ولا عادى ؟؟
 

بص يا سيدي
اولا التيوبلس :-
مميزاته :
لا يؤثر علي الجنط
يوضع فيه بدره للكاوتش عشان لو فيه خرم صغير الهواء اللي جوه الجاوتش يدفع البدرة ديه عشان تسد الخرم وده اللي بيخلي التيوبلس لما بيتخرم العجلة مش بتنام والبدرة ديه عبارة عن كاوتش (لم بتاع الكاوتش بياكل في الفردة عشان يلحمها هي ديه البدرة)
عيوبه
لازم تظبط هوا الكاوتش كل اسبوع عشان تبقي في الامان
لازم الجنط يكون نظيف
وفردة الكاوتش تكون بحالة جيدة
والشفة بتاعتها بحالة جيدة
الداخلي:
مميزاته لو الفردة من برة سليمه او متآكلة خالص بيشتغل
لو شفته تعبانه بيشتغل
لو الجنط مصدي ومعوج وحالته بالبلا بيشتغل
ولو الداخلي التهري لحامات
بيتغير ب 20 جنيه الصيني
يعني حاجه ببلاش كده
عيوبه
لو دخل فيه خرم بيريح علي طول
لو لحمت الداخلي وركبهولك الراجل وفيه مياه مندية كده بتصدي الجنط من جوه (طبعا في الجنوط العادية الحديد)
وبياكل الداخلي بسرعة
مشاكل لحام الفردة التيوبلس واللي بيلبسوهلنا بتوع الكاوتش
اولا اللحام نوعين
1- خابور
2- بوتشة مليم
الخابور مميزاته بينجز الصانيعي
عيوبه
ممكن وهو بيدخل الخابور يكسر سلك في العجلي لجوه وبعد فترة وجيزة العجلة تدبدب وتعمل رفه وتخرب
اللحام المليم
ممتاز
الصنايعي بيصنر مكان الخرم
وينظف كويس
وبعد كده يلزقه بسلسيون يبقي مافيش مشاك منه
وفي بقي بيلحم علي السخن
اللحام علي السخن للكاوتش بيقصر عمله لأن لحمية الكاوتش من جوه بيبقي فيها اختلاف منطقة قويه ومنطقة ضعيفة
ومع الضغط للهواء الداخلي
العجلة يا اما بتعمل بالونة
يا اما بتضرب
-----------------
والله أعلم

رد: كاوتش تيوبلس ولا عادى ؟؟
 

عايز أضيف إضافة يا جماعة يعرفوها سواقين الميكروباصات أن الرك علي الدركسيون مش علي الكاوتش يا عم الحاج