|
ماذا افعل لو لون السيارة الزيرو .. مش عاجبنى !!
السلام عليكم يا شباب مبدئيا .. بإذن الله الكريم خلال اسبوعين هكون استلمت سيارتي الجديدة و هى اول سيارة اركبها و نوعها HYUNDAI I10 و في الاجنص اصريت على اللون الأسود لانه كان حلمي انى اركب سيارة سودا لكن المندوب بلغنى ان فيه احتمال ان السيارة تيجي لون مخالف .. يعنى انا و رزقى و رغم انى مبسوط حتى لو لونها شفاف .. الا انى نفسي تبقى سودا فهل لانها جديدة متضطر انتظر حتى تجديد الرخصة ثم اقوم برشها في التوكيل ولا ايه ؟؟ |
رد: ماذا افعل لو لون السيارة الزيرو .. مش عاجبنى !!
أول حاجة:ربنا يديك خيرها ويكفيك شرها...!
وبعدين أول ما تستلمها لازم ترشها في الفرن وقول للراجل اللي هيرشها أنو يحط مادة الليكر علشان اللون يبقى زي الميتاليك...! وسلام |
رد: ماذا افعل لو لون السيارة الزيرو .. مش عاجبنى !!
رأيي الشخصي اوعي تعمل كده !!!!!!! هتخسر كتير في ثمن السيارة في اعادة البيع ثانيا عمر ما الدهان في الورش او حتي في التوكيل بيكون بجودة دهان الفابريكة و ممكن بعد فترة تلاقي الدهان شقق او بهت باسرع من المفروض غير ان في الخبطات بعد الشر هتلاقي الدهان بينطر لأنه اصبح عبارة عن طبقات فوق بعضها ان كنت متخيل من عنوان الموضوع ان مثلا نفسك في لون روز او موف او اي لون تاني غير دارج في السيارات لكن انتا عايز لون اسود صمم مع التوكيل علي لون اسود و لو موفرهوش ليك اشتري من المعارض او الموزعين حتي لو سعر اعلي فرق السعر هيوازي الرش اللي عايز ترشه و زي ما بيقولوا شرا العبد و لا تربيته |
رد: ماذا افعل لو لون السيارة الزيرو .. مش عاجبنى !!
طالما ان اللون مش عاجبك لا تشتريها
وأوعى انك تفكر ان ترش السيارة هذا خطأ كبير وربنا يباركلك فيها ويكفيك شرها |
رد: ماذا افعل لو لون السيارة الزيرو .. مش عاجبنى !!
شكرا يا شباب على النصيحة و باذن الله هصمم على اللون
|
| الساعة الآن 01:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017