فيات اونو ولا ماروتى
 

يا جماعة محتار جدا بين فيات اونو 93 ولا ماروتى تكون موديل 2003 (او احدث من كده بشوية) فايهما افضل من حيث المتانة وقوة الشاسيه واسعار قطع الغيار وبالنسبة لاعادة البيع

رد: فيات اونو ولا ماروتى
 

عتقد انا لماروتى افضل فى كل حاجه
حتى سعر اعاده البيع اعلى
ومش معنى كده ان الاونو وحشه
بس هى المساله مسأله اذواق فقط

رد: فيات اونو ولا ماروتى
 

الاونو كان ليها زمنها كانت منتشرة بنسبة كبيرة ومطلوبه علشان موفره واقتصاديه واسمها فيات برضو

بعد كده الكورى والاسيوى عموماً احتل مكانتها وخاصة الكيا برايد والتويوتا ستارليت والسوزوكى سويفت والهيونداى اكسنت
وطبعاً كشاسية اكبر ومواتير اعلى مع الحفاظ على اقتصادية استهلاك البنزين وسهولة الصيانة ومع انتشارهم اكتر من الفيات كمان بقو اسهل فى قطع الغيار كمان خاصة ان ليهم قطع غيار جديدة واستيراد والجديد حتى فيه منه بدائل اصلى ودرجة تانية صينى ودرجة تالته كمان

الماروتى بقى تنتمى للى انا بتكلم عليهم برضو بس تعتبر اقلهم اداء وسعراً وعربيه قطع غيارها منتشره وصيانتها سهله برضو وقطع غيارها تعتبر رخيصة

فانا ارجح الماروتى للاسباب اللى قولتها باعتبارها الخيار العملى والاقتصادى وباعتبار انها احدث طبعاً وغالباً هتبقى الحالة افضل
وفى المستعمل دايما الاولويه للحالة الافضل
ولو قدرت تزود شوية وتشوف حاجة من البدائل التانية كمان يبقى افضل واوسع واكبر :)

ومبروك مقدماً

رد: فيات اونو ولا ماروتى
 

ماروتي افضل

رد: فيات اونو ولا ماروتى
 

ياجماعة شكرا ليكوا أوى.. بس الاونو مش اكبر شوية من الماروتى وكمان ماتورها 1000 cc يبقى كده اجمد شوية من الماروتى