لمبة الدينامو نورت لعربيتي 128
 

السلام عليكم ورحمة الله وبركاته
اليوم وانا رايح على الشغل لاحظت لمبة الدينامو نورت ضعيف وفضلت منورة لحد ما وصلت وركنت العربية وبطلت ودورت تاني لاقيتها منورة ادوس بنزين تزيد الاضاءة بتاعتها اسيب واخليها على السلانسيه تنور ضعيف ياترى ايه الموضوع المرة دي انا بجد زهقت من العربية دي كل اسبوع مشكلة جديدة هل ده عيب كتاوت الدينامو انا مركب دينامو شاهين 55 امبير بكتاوت داخلي وغيرت كتاوت مرتين لحد دلوقتي مرة تركي ومرة صيني ومرة سليكونات لمبة يا ترى هاغير كتاوت للمرة الثالثة ولا ايه يا شباب افيدوني بالله عليكم المشكلة ان العربية دايما تعملها يوم اجازة الصنايعية مش عارف التوفيقية النهاردة شغالة عشان اشتري كتاوت جديد النهاردة ولا اركنها شوية؟؟؟؟؟؟؟؟

رد: لمبة الدينامو نورت لعربيتي 128
 

للاسف الدينامو مش بيشحن او شحنة زيادة
وطبعا المسءول عن كدة الكتاوت
غير الكتاوت لتالت مرة بس ممكن نجيب كتاوت خارجى المرة دى طالما الداخلى كولة مضروب ..... ال يعنى الخارجى مش مضروب
بس اهى تجربة

وشيك على مية البطارية لحسن تكون نشفت من الشحن الزيادة او عدم الشحن

رد: لمبة الدينامو نورت لعربيتي 128
 

هو غالبا انت محتاج الدينمو يروح للكهربائي لان انا لما عربيتى عملت نفس المشكلة رحت للكهربائي لقى ان فى حاجة فى الدينمو عايزة تتغير ( شربونة او ما شابه ) كانت محتاجة تتغير واول ما اتغيرت اللمبة بقت زى الفل وبتنور تمام مش موضوع كتاوت
تقبل تحياتى

رد: لمبة الدينامو نورت لعربيتي 128
 

اخى الكريم zamanan2000 الكتاوت الداخلى بيجى بالشربون بتاعة
فمعنى كتاوت داخلى يبقى بالتاكيد شربون

رد: لمبة الدينامو نورت لعربيتي 128
 

فعلا الشربون بيكون في الكتاوت المشكلة انا عاوز اعمل كدة بنفسي يعني افك الدينامو واغير الكتاوت بس خايف معرفش اركب الدينامو بس هل ينفع اغير الكتاوت وكمان اركب كتاوت خارجي يعني يحافظ شوية على الكتاوت الداخلي