رد: مشاكل الغسالات الاتوماتيك
 

أستاذ محمد، ازاى حضرتك. انا أسف على التأخير فى الرد الحقيقة الموضوع راح عن بالى لمدة وكنت مشغول. المهم أنا لقيت كل المسامير مش موجودة وكله تمام. اعتقد انا اللى كنت موسوس شوية.. على العموم أنا جاى فى مشكلة ثانية. غسالة الوالد زانوسى العبد بقلها 7 سنين وكويسة. من كام يوم بيلحظوا نزول مياة اسفل الغسالة بعد الغسيل بمقدر كوباية مثلا بعد نهاية الغسل. فما هو سبب هذا العطل وهل إصلاحة يحتاج لمتخصص أم ينفع ان الواحد يعمل لها الصيانة بنفسها

رد: مشاكل الغسالات الاتوماتيك
 

كل سنة وحضرتك طيب استاذ tham1010
بالنسبة لموضوع تسريب المياه ده له احتمالات كتير اوى
1- كاوتشة الباب
2- كاوتشة دخول الماء الى الغسالة
3- الكاوتشة الموصلة الى طلمبة الطرد
4- خرطوم الصرف
5- مانع تسريب المياه المركب مع البلى
وعلشان تحدد العيب فين بالضبط لازم تشغل الغسالة وتتابعها وتحدد بالضبط مكان تسريب المياه تحت الغسالة وتوقيت نزول المياه
بمعنى لو كان التسريب طوال وقت عمل الغسالة والتسريب اسفلها من النص يبقى الاحتمال الاكبر جوان الباب

لو كان التسريب وقت دخول المياه الى الغسالة فقط للغسل او الشطف والتسريب اسفل الغسالة جهة الشمال يبقى الاحتمال الاكبر كاوتشة دخول المياه

لو كان التسريب جهة اليمين اسفل الغسالة يبقى كاوتشة دخول المياه الى طلمبة الطرد

لو كان التسريب اسفل الغسالة من الخلف والمياه بها صدى يبقى العيب بالبلى ومانع التسريب

لو كان التسريب اثناء صرف المياه فقط يبقى العيب بخرطوم الصرف
ياريت حضرتك تجرب زى ماقلت لك وتقوللى توقيت نزول المياه ومكان التسريب عشان اقولك خطوات الاصلاح

رد: مشاكل الغسالات الاتوماتيك
 

السلام عليكم.
غسالتي ذات التعبئة العلوية فوجئت بها اليوم تقوم بتسريب الماء دون الاحتفاظ به فتأخذ الماء من أعلى و تسربه من لي الصرف و لا تمتلئ الحلة. هل من حل لهذه المشكلة؟ و شكراً

رد: مشاكل الغسالات الاتوماتيك
 

عندي مشكلة لسة ظاهرة امبارح الغسالة بدات تعمل صوت عند العصر فقط والغسالة لغاية دلوقتى مبقلهاش 5سنين
برجاء الافادة

رد: مشاكل الغسالات الاتوماتيك
 

تاكد من تثبيت خرطوم الصرف على الارتفاع الموصى به بكتالوج الغسالة