المشاركة الأصلية كتبت بواسطة محمد السيد 78 (المشاركة 725177)

شوف يا سيدى الغسالة ممكن اى قطع صغيرة من الغسيل زى الشرابات او فوط صغيرة ممكن تعدى بين الحلة الداخلية وكاوتش الباب الى الحلة الخارجية (يعنى بتكون بين الحلتين) وعلشان كده يفضل اى قطع صغيرة الحجم توضع بداخل كيس قماش شبك (يباع بالمحلات) لمنع حدوث ذلك.
بالنسبة للغسالة وايت بوينت ماسمعتش عنها كلمة كويسة من اى حد
اما ويرلبول فهى ماركة ممتازة
نرجع لمشكلة حضرتك وهى الصوت اثناء صرف الماء ده ممكن يكون سببه وجود رواسب بالفلتر الموجود على طلمبة الطرد والتى من الممكن ان تلامس ريش الطلمبة وتعمل الصوت ده وعلى فكرة اثناء العصر طلمبة الطرد بتفضل شغالة وده دليل ثانى على ان الصوت مصدره الطلمبة. جرب فك الفلتر والغسالة فاضية طبعا وشوفه نضيف ولا فيه رواسب وجرب شغل الغسالة والفلتر مفكوك على برنامج الصرف او العصر (بس من غير ما الغسالة يكون فيها مياه او غسيل) وشوف الصوت هيتغير ولا لأ.

المشاركة الأصلية كتبت بواسطة محمد السيد 78 (المشاركة 726421)

اذا كان عندك نفس الصوت اللى فى الفيديو ساعة عصر الغسيل فده احتمال ان مسامير الشحن تكون ماتشالتش كلها من الغسالة
مسامير الشحن دى بتبقى راكبة فى الغسالة وبتبقى مثبتة الحلة وتخليها ماتتحركش اثناء النقل والتحميل لعدم التلف فهل لما حضرتك اشترتها التوكيل هو اللى قام بالتركيب ولا حد تانى؟
وفى احتمال تانى برضه ان يكون فى عيب فى المساعدين