رد: مشاركة ايهما تفضل : القيادة العادية ام القيادة الاوتوماتيكية ؟؟
 

أكيد حضرتك ياأستاز / hisham853
مش متزوج لسه لان المتزوجين بيحبو الفتيس العاده او متوزج من فتره طويلههههههههههه

رد: مشاركة ايهما تفضل : القيادة العادية ام القيادة الاوتوماتيكية ؟؟
 

انا باحب المانيوال لعده اسباب
1-تسارع وتجميع احسن واسرع
2-استهلاك بنزين اقل طبعا
3-تحس انك سايق مش قاعد مستنى دورك فى الحلاقه
4-اعطال الاوتوماتيك لو مش المانى او يابانى رخمه فوى

رد: مشاركة ايهما تفضل : القيادة العادية ام القيادة الاوتوماتيكية ؟؟
 

الأتوماتك طبعا يا جماعة .....
التطور الطبيعى لقيادة السيارات
انا ليه طول منا سايق احرك ايديا الاتنين و رجليا الاتنين ...و افضل مجند كل جسمى حسيا و معنويا للعربية .... ايه الراحة فى كدة يعنى ؟؟؟؟
الاتوماتك ايد واحدة و رجل واحدة و باقى الخمسين فى المية من التعب ليك انت تعمل بيهم اى حاجة تانية
و اللى بيتكلموا عن الجرى و الشد . ما دمت كدة كدة هتحرق ... شغل السبورت مود ... ولا يهمك ياعم و شد زى ما انت عايز
و استهلاك البنزين و استهلاك الفرامل بيزيد بنسبة كام يعنى ؟؟؟ 5% مثلا ؟؟؟؟ نسبة مقبولة جدا نظير الراحة التى تحصل عليها .....

و صباحكم زى الفل

رد: مشاركة ايهما تفضل : القيادة العادية ام القيادة الاوتوماتيكية ؟؟
 

موضوع شيق كثيرا ،،، سؤال يبدو سهلا و لكنه صعب في نفس الوقت،،،

رأيي الشخصي أن الموضوع نسبي جدا علي حسب تكنولوجيا الفتيس نفسه

فلو كنا بنتكلم عن اوتوماتيك بتاع زمان ( الثمانينات و السبعينات) (كلتشات و ضغط زيت ) بدون كنترول او تحكم كهربئي يبقي طبعا يعيش المانيوال ،،، لان تلك الفتيسات علي قدر ما اعطالها محدودة جدا علي قدر ما تهدره من قوة الموتور و عزمه

أما الفتيسات الحديثة الكهرباء فهيه تحفة و سريعة و اجدع من مية مانيوال مفيهاش كلام خصوصا ان فيها اسبورت مود و كيك داون و كل الشغل اللي عشاق السرعة بيحبوه ( بس لازم تبقي من مصدر موثوق فيه و عالية التقنية زي الاوروبي و علي راسهم الالماني طبعا و الياباني ايضا و علي راسهم الهوندا)

بس طبعا انا كمان في حته التكنولوجيا دي ليه تحفظ ،،، فبعض الفتيسات زي الميجان مثلا بتبرمج نفسها علي اس قيادة سائق السيارة خلال اخر 50 كم و ده لا يصلح في مصر لانها بتهنج من كثرة الزحمة و المشي البطئ و فجأة التسارع و بعدين اشارة و بعدين حتة فيها جري و بعدين حته فيها بلاعات

و بعدين هنحتار ليه ،،، النهارده التكنولوجيا بقت بترضي كل الازواق ممكن ببساطة الواحد يجيب استيب ترونك و يريح دماغه ،،، لو عاوز يمشي مانيوال يمشي و لو عاوز اوتوماتيك مافيش مشكلة

رد: مشاركة ايهما تفضل : القيادة العادية ام القيادة الاوتوماتيكية ؟؟
 

المانيوال علشان انا مجربتش اسوق اتوماتيك اساسا,,هههههه,,بس ربنا يوعدنا بكل اللى بنحلم بيه واهم حاجة لانخبط حد بالعربية ولا حد يخبطنا ومش مهم بقى مانيوال ولا اوتوماتيك