مشكله بالعربيه - ارجو الافاده
 

السلام عليكم و رحمة الله و بركاته
--------------------------------------------------
اهل المنتدى الكرام انا اخوكم يوسف عضو جديد هنا
عربيتى لادا 2105 موديل 82 كاربراتير 124
عندى كام مشكله اتمنى الاقيلها حل
-لما بدوس دواسه البنزين للاخر صوتها بيطخن (للتوضيح فقط) بس لما اسيب رجلى ساعات بتبطل و احسها مرعوشه
-الكهربا هل اظبطها لحد ما بتطل تسقف حتى لما ادوس البنزين للاخر ولا ايه انسب طريقة بالظبط(انا ظابط الكهربا متسقفش خالص حتى لو دايس للاخر)
-العربية من اول 120 كم و فوق بشم ريحة شياط و لما سالت الميكانيكى قاللى هيا الادا ريحة نفسها وحش و شميط خرطوم العمه لقيت نفس الريحه الى بشمها و قاللى غير زيت و حط زيت شمبر . لسه الريحه ( ريحه مستفزه) مع العلم المكنه بتفتح عادى و تحسها عايزه تجرى اكتر (المكنه متعمره جديد )
-اسف للاطاله اخوانى بس تعبت و لقيت منتادكم و الناس الى فيه محترمه

رد: مشكله بالعربيه - ارجو الافاده
 

مفيش حاجة اسمها ريحتها وحشه!!!! ممكن بس الجوانات الجديدة اللى اتغيرت فى العمرة هيا اللى عامله الريحه دى ، شويه و هتروح و متحطش زيت شنبر لمكنه لسه متعمرة ، الميكانيكى بيفتى و يألف طبعا..... حاول تنضف الكاربراتير و تخلى الميكانيكى يفكه و يغسله بالبنزين و يضبط الاسبراتير لا مقدم و لا مأخر، الكهربا بتاعة الاسبراتير تتضبط و هيا العربية باردة و الكاربراتير يتضبط لما تسخن..... لو حضرتك فى القاهرة أو الجيزة، فيه واحد كلنا بنتعامل معاه فى الوراق، دكتور لادا كان شغال فى التوكيل بتاعها ، اسمه البشمهندس محمد طلبه ، اكتب اسمه على جوجل بس هتعرف توصل و شوف رأى الناس اللى بتتعامل معاه.

Sent from my Infinix X507 using Tapatalk