|
الكل يجمع بالخطوة السريعة
السلام عليكم ورحمة الله وبركاتة اية يا جماعة القسم هنا نايم جدا مفيش موضوعات جديدة ولا حتي ردود جديدة MADDRIVE بسيب القسم بالاسابيع برجnonononoع ألاقيه زي ماهوا يا تري اية الاسباب المشرفين مش فاضيين !!!!!! طيب والحل :red_face10: خلاص مبقاش فيه أعطال ولا استفسارات !!!!!!!!! غريبة مش عارف أقول اية بصراحة :crying: أنا عضو فى منتدي تاني وفي نفس القسم كل ساعة موضوع جديد ومناقشات وحلقات تعليمية مصورة وطبعا لو نقلت المواضيع هنا بيتشال العنوان بتاع المنتدي التاني والموضوع ميفتحش حبيت ألفت نظر الادارة للموضوع دة وعلي فكرة أنا بتكلم من منطلق حبي وإحترامي للمنتدي دة اللى اتعلمت منه الكثير فحابب أرد الجميل ............ :THUMB_~112: وتقبلو خالص تحياتي |
رد: القسم دة بقي نايم جدا جدا كدة لية الكل يجمع بالخطوة السريعة
شاكرين اهتمامك طبعاً بس بصراحة الموضوع ده الإدارة ملهاش اى دخل فيه المواقع الاجتماعية قائمة فى الاساس على مشاركات الاعضاء الإدارة دورها تنظيمى فى الاساس والمفروض متعداش ده اوى علشان ميبقاش فيه مصادرة على اراء الاعضاء او تحيز لماركات معينة وبالتالى المشرف عندنا كمان مش ممكن ابداء نطلب منه يعمل موضوعات فى اقسامة او غيرها كل المطلوب منه يقوم بعمليات نقل الموضوعات والمراقبة وخلافه لكن كتابة الموضوعات ديه حرية شخصية لكل عضو
فاللى عايز اقولة ان ممكن منتدى ميبقاش فيه اعضاء نشيطين فى ماركة ويبقى فيه فى ماركات تانية او اقسام تانية ديه طبيعة الامور لكن احنا لو علينا نتمنى يبقى فيه اعضاء نشيطين فى كل الاقسام وهندعمهم زى كل الاقسام بكل اللى نقدر عليه |
رد: القسم دة بقي نايم جدا جدا كدة لية الكل يجمع بالخطوة السريعة
اقتباس:
أشكرك استاذيأبو نورة على الرد ولكن اسمحلي مشرف القسم دورة مش تنظيمي فقط بالعكس دة هوة محور القسم يقدر يعمل موضوعات جديدة ويسري القسم بالمناقشات الهادفة مش بيستني لو حد سأل وبس فى النهاية انا والله بتكلم من منطلق حبي للمنتدي الجميل دة اللى بجد استفدت منه وحابب أني ارد الجميل ولكن بستغرب كتير والله لما بدخل القسم بعد غياب فترة طويلة وبلاقي مفيش موضوعات جديدة في حين اني عضو فى منتدي منافس والقسم كله نشاط وحيوية وكلها موضوعات شيقة مش شرط عن الصيانة وقطع الغيار فقط أنما فيها ابتكارات وتجارب بكون حابب اني انشط المنتدي هنا بنقل بعض الموضوعات بس لما بنقل لينك الموضوع مبيفتحش من على المنتدي أقدر لك موقفك واتمني اشوف القسم اللى اتعلمت منه كتير انشط من المنتدي الاخر تقبل تحياتي |
رد: القسم دة بقي نايم جدا جدا كدة لية الكل يجمع بالخطوة السريعة
انا مقدر جداً والله اهتمامك وفاهم قصدك جداً واللى بتقوله بيحصل فى منتديات كتيرة فعلاً ان مكانش اغلبها لكن هنا لينا نظام مع الوقت بقى اشبه بتقاليد ان المشرف اولاً منتخب من الناس مش بتعيين مفرد من الإدارة وان المشرف حر تماماً فى كل ما يكتبه وحر يكتب او ميكتبش ويقول رأيه اللى هو عايزة دورة زى ما قولت لحضرتك الاشراف والرقابة على المحتوى ووفقاً للقوانين المحددة والمتفق عليها وطبعاً اذا المشرف مكانش فعال مع الاعضاء يختارو غيرة فى الانتخابات الجديدة
بس هو فعلاً احنا عندنا العربيات الاسيوى عموماً انشط من العربيات الاوروبى ديه حقيقة عموماً انا معاك ولو عندك اى اقتراحات لتنشيط القسم ابعتلى مباشرة وكلها اسبوع ولا حاجة الانتخابات الجديدة تتعمل ويمكن نلاقيك انت مشرف القسم وينشط على ايدك :CHUBBY~36: |
رد: القسم دة بقي نايم جدا جدا كدة لية الكل يجمع بالخطوة السريعة
اقتباس:
أشكرك أخي العزيز على تفهمك لموضوعي واتشرف طبعا أني أكون ضمن طاقم الادارة بس أنا هدفي نرتقي بالمنتدي وبكل أقسامة ونشوفة كسابق عهدة لما دخلت اول مرة للقسم كان كلة نشاط وحيوية سواء كنت عضو عادي أو مشرف أكون سعيد لو القسم بقي نشيط الى ايدي مع اني افضل اني اكون عضو عادي ان شاء الله قريباً أنتظرو مني عدة موضوعات مفيدة منها موضوعات من صناعتي الشخصية ومنها المنقول للاستفادة تقبل فائق احترامي |
| الساعة الآن 01:42 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017