مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   Yaris (https://www.masrmotors.com/vb/forumdisplay.php?f=226)
-   -   استفسار هااااااااااااام افيدونا يا اهل الخبرة افادكم الله .. ارجو سرعة الرد (https://www.masrmotors.com/vb/showthread.php?t=98473)

hoda_meto 22-09-2012 11:41 PM

استفسار هااااااااااااام افيدونا يا اهل الخبرة افادكم الله .. ارجو سرعة الرد
 
يا جماعة انا دلوقتي ادامي تويوتا ياريس 2008 كاملة اوتوماتيك فبريكا بره وجوه صيانة كاملة في التوكيل كل ستة اشهر وعاملة 180 الف كم علي طرق سريعة مش في زحمة البلد واستعمال كويس جدا يعني تقريبا العربية شكلها لسه جديد مش متبهدلة وصوت الموتور هادي جدا

انا عندي سؤاالين ..
هل 180 الف دي كتير ولا عادي علي موتور ياباني زي التويوتا ؟!!
العربية دي مطلوب فيها 73 الف .. كده كتير ولا كويس عليها ؟؟

Me_medoo 23-09-2012 01:01 AM

رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
 
هيا مفيش حاجة تكتر على تويوتا ياباشا. بس لو تعرف تعض مع صاحبها كمان في ٣٠٠٠ يبقى كويس

بس سؤال هيا اتوماتيك بس كاملة ولا فاضيه يعني شبابيك كهربا ولا شبابيك اوكر
الحاجة التانيه ايش عرف حضرتك انها كانت بتمشي على طرق طوالي
القطه التالته هيا لونها ايه وحالتها من بره خبرها ايه. خربايش وتجاريح وكده ولا ايه

النقطه الرابعه لو تشوف غيرها. لانها ماشية شوية زياده. يعني الطبيعي ل ٢٠٠٨ ان كبيرها تكون ماشي ١٠٠ الف كيلو بالكتير.

بس شوف صحبها واتكي على موضوع الكيلومترات دي علشان تفاصل كويس فيها وقلك صاحبها اصلو طريق سفر قولوا سفر مش سفر العربية ماشية وشوفلي اخرها كام وبالتوفيق انشاء الله

hoda_meto 23-09-2012 01:16 AM

رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
 
اولا شكرا جدا علي رد حضرتك واهتمامك
ثانيا العربية اوتوماتيك وجميع الكماليات اربع شبابيك كهرباء مرايات كهرباء وفرامل ABS
ثالثا انا عارف الاخ اللي هاخدها منه وعارف شغله فين وهو ساكن فين وعارف خط سير العربية يعني
رابعا بقي العربية لونها فيراني غامق وحالتها كويسة عشرة علي عشرة بجد لانه محافظ عليها جدا
خامسا العربية عجباني جدا بس اكتر حاجة مقلقاني موضوع 180 الف ده ومش عارف كده الموتور جاب اخر ولا ايه بالظبط فنفسي حد يطمني من الناحية دي

Me_medoo 23-09-2012 01:27 AM

رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
 
لا هو بيني وبينك حالت المتور بعد ما مشي بيها ١٨٠ الف. زي بالضبط حالت متور فيرنا زيرو او رينو لوجن زيروا ... بس في تويوتا مابتفرقش قوي. معاك لغايت ٢٥٠ الف كيلو وبعدين تبتدي تفتح بوقها العربية بالذات اذا صاحبها بيحافظ عليها وكويس اذا العربية كاملة اتوماتيك. وحالتها نظيفة يبقى سعرها ممتاز ومناسب ليها لان الفاضية اتوماتيك كانت بتتباع اياميها ب ٩٢. بس الكامله اتوماتيك كانت بتتباع في حدود ال ٩٩٠٠٠ لانها الفئه القبل الاخير الفل فل اوبشن فتوكل على الله اذا عجباك ونضيفه على كلامك

hoda_meto 23-09-2012 01:35 AM

رد: استفسار هااااااااااااام افيدونا يا اهل الخبرة افادكم الله .. ارجو سرعة الرد
 
ربنا يقدم اللي فيه الخير ومتشكر جدا
بس اخر سؤال معلش .. حضرتك معاك ياريس ؟!!
ايه رايك في العربية دي بشكل عام ؟!! يعني زي الكورولا ولا اقل منها ؟


الساعة الآن 08:59 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017