محتار بين الابيزا 94 والبولو 96
 

السلام عليكم ياشباب
انا بصراحة محتار بين السيارتين الابيزا 94 او البولو 96 او 95 بالنسبة لتوافر قطع الغيار والاسعار لان دى هتبقى اول عربية اركبها ومش عارف ...
فى ناس مخوفانى من الابيزا على اساس ان قطع غيرها مش متوفرة قوى ومش اى حد بيفهم فيها يعنى هدوخ فى تصلحها وفى قطع غيارها ...
والبولو ناس بتقولى قطع الغيار متوفرة بس حراقه شويه ومش اى حد بيفهم فيها ..
والمبلغ اللى معايا حكمنى شويه .. يعنى انا معايا 29000 ج
ياريت اصحاب الخبرة فى المنتدى الرائع دة يفيدنى ولكم جزيل الشكر
طولت عليكم سامحونى ..

رد: محتار بين الابيزا 94 والبولو 96
 

هقولك حاجه حلوه اوووى وابقى اسئل فيها
انا معايا ابيزا وبجيب كل قطع غيار العربيه عندى بولو يعنى قطع الغيار الاتنين واحد الفرق فى شكل البودى وده ازواق
اما موضوع ان قطع الغيار غاليه ان شايفها بصراحه كويسه جدااااااا ويمكن كمان تكون ارخص من الكورى وعن تجربه
وتقبل مرورى

رد: محتار بين الابيزا 94 والبولو 96
 

شكراً على اهتمامك .. وطمنتنى
بصراحه انا عاوز اركب عربية نظيفة .. مستعملة صحيح بس على الاقل مطلعش روحى بالنسبة للمبلغ اللى معايا ممكن الاقى بيه بولو تكون حالتها نظيفة ؟
ولا متعبش نفسى وخلينى فى الابيزا ؟؟
وبالنسبة للاسعار اللى بشفها على مواقع بيع السيارات زى كونتكت كار .. الاسعار دى بتبقى مبالغ فيها ولا صحيحه
علشان اقدر اعرف الرنجات كام واقدر اقرر قبل ما انزل اشترى
وشكراً تانى على اهتمامك

رد: محتار بين الابيزا 94 والبولو 96
 

شكراً على اهتمامك .. وطمنتنى
بصراحه انا عاوز اركب عربية نظيفة .. مستعملة صحيح بس على الاقل مطلعش روحى بالنسبة للمبلغ اللى معايا ممكن الاقى بيه بولو تكون حالتها نظيفة ؟
ولا متعبش نفسى وخلينى فى الابيزا ؟؟
وبالنسبة للاسعار اللى بشفها على مواقع بيع السيارات زى كونتكت كار .. الاسعار دى بتبقى مبالغ فيها ولا صحيحه
علشان اقدر اعرف الرنجات كام واقدر اقرر قبل ما انزل اشترى
وشكراً تانى على اهتمامك

رد: محتار بين الابيزا 94 والبولو 96
 

بص هو غالبا اسعار المعروض على المواقع و خصوصا كونتاكت بيبقى مبالغ فيها شوية
بس طبعا بتفرق حسب المعلن نفسه
انت ممكن تنزل سوق السيارات مرة واتنين وتشوف الاسعار بالتقريب برضة مع الحالة بنفسك
و ربما يكرمك بحاجة كويسة ان شاء الله