مصر موتورز مجتمع السيارات - سنحيا كراما يا مصريين

لا حول ولا قوة الا بالله

الراجل ده محترم بجد وانا شخصياً ممكن اديله صوتى

لكن ربنا ابتلاه بمن يؤيدوه

ايه معنى الفيديو اللى محطوط ده !!!

ايه قيمة فيديو مصور ناس بتهرول وتهتف لمرشح !!!

امتى نبطل نأثر على بعض بثقافة القطيع وتهييج المشاعر واللعب على اوتار الدين !!

من يومين على احد المواقع الاخبارية كان فيه خبر عن شركة روسية متخصصة فى صناعة الدروع الواقيه (اللى بيلبسها الجنود وتحديداً المتخصصين فى نزع المتفجرات والتعامل معها)

والخبر بيتكلم عن خصائص الدروع ديه وان الحكومة الروسية طلبت من الشركة المصنعة تقليل وزن الدروع والا مش هتشترى منهم وكلام كده

يقوم واحد من بتوع حملة ابواسماعيل يرد على الخبر بايه !!

يقولك دول عالم جبناء واحنا شجعان ومش محتاجين دروع ونقابل الرصاص والقنابل بصدورنا !!!

شوف الجهل !!

الرسول عليه الصلاة والسلام كان بيستخدم الدروع والصحابة جميعهم اما مؤيدى حازم ابوسماعيل فلا !!!

اتمنى التوفيق والسداد لكل المرشحين الثوريين ومنهم حازم ابو اسماعيل واتمنى من مؤيديه استعمال الفطنة والكياسة التى هى صفات المؤمن فى الدعاية لمرشحهم
وده مثال لبوست على الفيس بوك دعائى بس محترم
حازم صلاح أبو إسماعيل :- الأم فترة الرضاعه أو حضانة الأبناء ليست ربه لمنزلها فقط , بل هي تبني أهرامات الوطن , و لذلك يجب على الحكومه و الرئيس القادم أن يُنشئ صندوق تأمين مُجتمعي يوفر لها راتباً شهرياً .. لا شرف لمُجتمع ضاع فيه حق إمرأه

http://a6.sphotos.ak.fbcdn.net/hphot...35667527_n.jpg

ياريت تبقى كل رسائل الدعايه بالايجابيه ديه
وياريت نلتف حوالين المرشح بناء على برنامجة واطروحاته مش اى حاجة تانية