|
باركولي هاستلم جيلى اميجراند
السلام عليكم ورحمة الله وبركاته الأخوة أعضاء المنتدى الكرماء غدًا سأستلم سيارتي الجديدة جيلي أم جراند بركولي وأرجو منكم الدعاء لي إن ربنا يكفيني شرها ويباركلي فيها أنا جبتها من معرض القرش اللي في ألف مسكن عن طريق بنك عودة بس مش عارف ايه الخطوات اللازمة في المرور للترخيص ياريت حد يفيدني مع العلم انا دفعت 50000 من ثمنها والباقي على أقساط ياريت تفيدوني بسرعة وجزاكم الله خيرا |
رد: باركولي
السلام عليكم ورحمة الله وبركاته مباركة عليك ان شاء الله ربنا يعطيك خيرها ويكفيك شرها حضرتك بتاخد الورق اللى معاك اللى خدته من المعرض فيه بيانات السيارة وخلافه وخطاب البنك وخطاب التامين على السياره وايصال ىخر اللى فيه شنطة الاسعافات والمثلث وتكون معاك طفايه الحريق فى السيارة وطبعا رخصة قيادتك وبطاقتك الشخصية وتروح بكل ده وبالسيارة طبعا للمرور وربنا معاك بقه هناك وييسر لك المرور والخطوات انت اول ما تدخل المرور هتعرف انك هتعمل فحص ولانها زيرو المهندس مجرد هيبص كده من بعيد وتدفع بقه الضريبة وخلافه والتامين الاجبارى واعتقد طلما تقسيط يبقى هترخص سنة بسنة وتاخذ رخصة السيارة مكتوب عليها حظر بيع يارب يسهل لك الخطوات ولا تنسى دعاء ركوب السيارة وقبل دخول المرور تصدق بشئ بنية تيسير امورك وقل هذا الدعاء اللهم يسر ولا تعسر |
رد: باركولي
شكرًا وجزاك الله خيرًا بس فيه كام استفسار 1- هو ما ينفعش أرخص 3 سنين لو فيه حظر بيع 2- هو السيارة الزيرو بيبقى معاها كوريك خاص بيها 3 - هو التأمين على السيارة مش كفاية ولا لازم معاه التأمين الإجباري أرجو الرد وجزاك الله كل خير |
رد: باركولي
جزانا واياكم 1- مش عارفة بصراحة ينفع 3 سنوات ام لا بس اعتقد همه علشان يضمنوا انك تأمن على السيارة سنويا بيعملوا الترخيص سنه بسنه وياريت اصحاب الخبرة بالمنتدى يردوا على حضرتك 2-السيارة الزيرو المفروض ايوه يكون معاها الكوريك الخاص بها انا استلمت كذه مرة سيارتى الزيرو سواء كاش او تقسيط من المعرض به وممكن تسأل عليه المعرض اللى اشتريت منه 3- التامين الاجبارى لازم فى المرور ده خلاف التامين اللى بتعمله فى المعرض وهو تقريبا 120 عن السنه الله الموفق |
رد: باركولي
الف مبروك ربنا يباركلك فيعا ويكفيك شرها هى لونها اه . وهل كشفت علي الابواب نن جوا قبل ماتستلم لان عربيات كتير اوي من جوا بتكون جواها صدأ حصل مع ناس كتيرة اوى الموضوع ده
مندوب المعرض هيخلص معاك كل الاجراءات وترخيص سنة بحوالي 1000 جنيه + التأمين الشامل 3000 ولو عاوز 3 سنين جمع المبلغ واضرب في 3 Sent from my GT-I9152 using Tapatalk |
| الساعة الآن 11:11 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017