مصر موتورز مجتمع السيارات - الخائفون من شراء اللوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - الخائفون من شراء اللوجان (https://www.masrmotors.com/vb/showthread.php?t=96966)

رد: الخائفون من شراء اللوجان

بص مبدئيا انا لسه مستلم امبارح العربيه يمكن عملت بيها حوالي 75 كيلو بس حرد عليك برضه

اقتباس:

المشاركة الأصلية كتبت بواسطة kordy_777 (المشاركة 760739)

شكرا على الموضوع الجميل :Bravo: ، أنا فعلا عايز أشتري لوجان أوتوماتيك وخايف من الآتي:
1- مشاكل الفتيس اللي بسمع عنها
الفتيس سلس جدااا ماشاء الله ولا في عضه ولا حاجه
دوس دبرياج عالاخر وغير براحتك والدبرياج بيفصل في نص الدواسه يعني عالي شويه بس ناعم جدا فمبتحسش بالطول ده

2- مشكلة العزل وحرارة المحرك اللي بتخل على الكابينة
بصراحه محستش باي حراره جوه الكابينه ماشاء الله

3- أسعار قطع الغيار المرتفعة
بس معمره وبعدين انت في الضمان 3 سنين يعني مش حتشغل بالك
ولو قلقان بزياده امن عليها وريح نفسك

4- بحس ان هيكل العربية ضعيف والرفارف فيبر
اي عربيه زيرو والحديث بالذات لازم الصاج يكون خفيف عشان فرق السرعه وبعدين بص السعر

5- استهلاك البنزين بسمع انه عالي
بالنسبالي طبيعي يبقي عالي اول 5000 وحيقل بعد كده ان شاء الله(الكاتالوج بيقول كده)

5- الفوانيس الأمامية ضعيفة الاضاءة
والله الاضاءه ماشاء الله عليها شديده جدااا ماشي عالواطي طول السكه ومستخدمتش العالي خالص الا لما بحتاج اعدي من حد
وفارش عالارض وموضح كل حاجه
اللي نوره واطي شويه الفوج لايت

6- سعر اعادة البيع
اصلا انت لو بتفكر في اعادة بيع متفكرش في زيرو اصلا لان طبيعي انك حتخسر فيها واحسنلك هات كسر زيرو او مستعمل نضيف
لكن اللي بيفكر يجيب زيرو بيفكر في عربيه تعيش معاه وحتة البيع مش في دماغه

غير بقه الحاجات الرخمة زي اماكن زراير الازاز ومؤشر الاتجاهات سواء يمين او شمال الاتنين بينوروا ومكان الكلكس ونور المارشدير بينور ناحية واحدة بس وكرسي السائق اللي لازم تقوم من عليه عشان ترفعه

بالنسبه لمكان زراير الازاز اللي قدام ممكن اتقبلهم واخد عليهم لكن اللي رخمين بجد بتوع ازاز ورا
وبالنسبه لمؤشر الاتجاهات حيشغلك في ايه انا عن نفسي مش شاغلني في حاجه وهو انا لما باجي ادي اشاره حبص عالتابلوه انا مولع انهي اتجاه اكيد بتبقي عارف
والكلاكس مريح جدااا علي فكره جديد عليا بس مريح
والمارشدير واحده بس يمين لان غالبا الركن كله بيبقي يمين
والناحيه التانيه لمبة فوج لايت لان لو في ضباب وانت عالسريع اكيد اللي حيعديك حيبقي عالشمال هو تصميم اوروبي مش اكتر ميعيبش العربيه يعني
والكرسي لازم تقوم من عليه طبيعي لانه بالضغط زي كرسي الكمبيوتر ازاي حيترفع وهو عليه قوة ضاغطه وبعدين بتظبطه مره واحده بس وخلاص مش كل شويه حيتحرك يعني
من الاخر العربيه باللي انا شايفه فلوسها فيها وربنا يكرمك ويوفقك للي فيه الخير ان شاء الله :)
شكر وتقدير

رد: الخائفون من شراء اللوجان

اقتباس:

1- مشاكل الفتيس اللي بسمع عنها

اقتباس:

2- مشكلة العزل وحرارة المحرك اللي بتخل على الكابينة

المشكلة دي مش موجودة في الاوتو علشان فيها عازل حراري على الكبوت اما المانيوال فهيا موجودة بس مش عيب اوي والسخونة مش كبيرة

اقتباس:

3- أسعار قطع الغيار المرتفعة

للمرة المليون بقول ان اسعار قطع غيار اللوجان في التوكيل نفس اسعار قطع غيار الفيرنا واللانوس في التوكيل اما بره التوكيل فهيا منتشرة وبنص التمن

اقتباس:

4- بحس ان هيكل العربية ضعيف والرفارف فيبر

اي عربية بالسعر دا صاجها ضعيف بس صاجها مش ضعيف اوي يعني معقول وهوا اقوى من الفيرنا واضعف من اللانوس بس كويس يعني

اقتباس:

5- استهلاك البنزين بسمع انه عالي

طبيعي اي عربية اوتو يبقا استهلاكها عالي للبنزين بس طبعا ظروف الطريق تفرق

اقتباس:

5- الفوانيس الأمامية ضعيفة الاضاءة

غريبة دي انا شايف انها قوية وزي الفل

اقتباس:

6- سعر اعادة البيع

هوا سعرها اتحسن جدا في اعادة البيع متخفش

اقتباس:

غير بقه الحاجات الرخمة زي اماكن زراير الازاز ومكان الكلكس

موضوع مكان الازاز هتتعود عليه بعد فترة من السواقة

اقتباس:

ومؤشر الاتجاهات سواء يمين او شمال الاتنين بينوروا

هوا فعلا عيب بس مش مؤثر على القيادة والعربية اصلا بتدي اشارة من بره عادي

اقتباس:

ونور المارشدير بينور ناحية واحدة بس

لمبة مارشدير اللوجان قوية بصراحة وممكن تنور نور الشبورة الخلفي هينورك الدنيا وانتا بترجع

اقتباس:

وكرسي السائق اللي لازم تقوم من عليه عشان ترفعه

الصراحة دي عيب في اللوجان فعلا
ومبروك مقدما

رد: الخائفون من شراء اللوجان

يا جماعة الايام اللي جاية عندي ظروف هتمعني من التواجد في المنتدى فارجو من ملاك اللوجان الكرام الرد على استفسارات الاعضاء في هذا الموضوع

رد: الخائفون من شراء اللوجان

اقتباس:

المشاركة الأصلية كتبت بواسطة screamseko (المشاركة 760775)

بص مبدئيا انا لسه مستلم امبارح العربيه يمكن عملت بيها حوالي 75 كيلو بس حرد عليك برضه

شكرا جزيلا على الرد والمعلومات المفيدة اقتناعي زاد فعلا بالسيارة

شكر وتقدير

رد: الخائفون من شراء اللوجان

اقتباس:

المشاركة الأصلية كتبت بواسطة sherifabden (المشاركة 760785)

بص انا فعلا اسمع عن مشاكل الفتيس بس في ناس بتشتكي من الفتيس وناس تانية مش بتشتكي
المشكلة اللي في الفتيس هي النتشة بين الغيارات و\ي مش هتحس بيها غير لما تركز مع العربية اوي والنتشة مش موجودة غير في الاوتو انما المانيوال زي الفل

المشكلة دي مش موجودة في الاوتو علشان فيها عازل حراري على الكبوت اما المانيوال فهيا موجودة بس مش عيب اوي والسخونة مش كبيرة

للمرة المليون بقول ان اسعار قطع غيار اللوجان في التوكيل نفس اسعار قطع غيار الفيرنا واللانوس في التوكيل اما بره التوكيل فهيا منتشرة وبنص التمن

اي عربية بالسعر دا صاجها ضعيف بس صاجها مش ضعيف اوي يعني معقول وهوا اقوى من الفيرنا واضعف من اللانوس بس كويس يعني

طبيعي اي عربية اوتو يبقا استهلاكها عالي للبنزين بس طبعا ظروف الطريق تفرق

غريبة دي انا شايف انها قوية وزي الفل

هوا سعرها اتحسن جدا في اعادة البيع متخفش

موضوع مكان الازاز هتتعود عليه بعد فترة من السواقة

هوا فعلا عيب بس مش مؤثر على القيادة والعربية اصلا بتدي اشارة من بره عادي

لمبة مارشدير اللوجان قوية بصراحة وممكن تنور نور الشبورة الخلفي هينورك الدنيا وانتا بترجع

الصراحة دي عيب في اللوجان فعلا
ومبروك مقدما

شكرا جزيلا شريف على الرد والمعلومات وشكرا على الموضوع المفيد
فعلا اللوجان أنسب سيارة في الفئة السعرية دي

شكر وتقدير