مصر موتورز مجتمع السيارات - كورولا 2013 ام لانسر بومه 2013 وهل تستحق الكورولا فرق ال30+ ألف

اقتباس:

المشاركة الأصلية كتبت بواسطة amr-osama (المشاركة 785524)

تمام كلامكم جميل .. واحنى استعمالنا هيكون بسيط جدا وفي المدينه غالبا مفيش سفر كتير اوي ..

بس المشكله ان الوالد في السعوديه وواخد على العيشه هناك وهناك طبعا العربيات الياباني منتشره جدا فعاجباه جدا .. بس طبعا العربيات هناك فرق السماء والارض ما بين هنا فهو مش مجرب العربيات هنا وهو خايف بردو عشان دي اول عربيه لينا في مصر ..

انا بصراحه زهقت من التفكير ومش عارف ارسي على اي حاجه ..

هانصحك بحاجه ممكن تستغرب بيها اعمل حسابك انك تجيب عربيه تقعد 5 او 6 سنين ومجرد ما تفتح بقها غيرها يعني ممكن تجيب عربيه كوري وتغيرها بعد 5 سنين وهتبقي مبسوط احسن ما تجيب عربيه ياباني وتخليها معاك 10 سنين عشان تحلل القرش اللي اندفع فيها
يعني انا مثلا كان معايا لحد من ايام كورولا 1993 عربيه غنيه عن التعريف ثبات ملهوش مثيل علي سرعات 160 ولسه جايب من يومين بالضبط فيرنا 2013 كله قعد يقولي بقي تنزل من تويوتا تركب فيفي بصراحه انا اقتنعت بكلامهم ف الاول لكن ف الاخر نفضت وجبت فيرنا علي قد الفلوس اللي معايا وعامل حسابي بازن الله ابيعها بعد 5 او 6 سنين ولوسالتني دلوقتي هاقولك الفيرنا افضل من ناحيه راحه البال لكن التويوتا تتفوق ف حاجتين الامان والثبات ع السرعات العاليه بس انا حلتها من عندي وقلت اخرك ف السرعه من هنا ورايح 100 حلو قووووي وخصوصا اني مش باسافر كتير

اللي عاوز اقوله لك عشان متغلطش زي ناس كتير مفيش حاجه اسمها عربيه العمر هتجيب كورولا مثلا وتغيرها بعد 5\ سنين يبقي كده تمام لكن لو مش هتغير كل 5 سنين يبقي هاتلك اي عربيه زيرو حتي لو رخيصه وحوش الباقي لما تيجي تغير بعد 5 سنين افضل مليون مره من عربيه تقعد معاك 10 سنين

واسف ع الاطاله وعن خروجي عن الموضوع الرئيسي بس حبيت انصحك