المشاركة الأصلية كتبت بواسطة dr M (المشاركة 725746)

لو سمحت انا محتارة اوووى بين الكارينز والاكسنت ار بى عارفة ان العربيتين مالهمش علاقة ببعض بس دول اللى استقريت عليهم ومامتى وبابا مرتاحين للكارينز بس انا محتارة جدا ياريت بجد تقولى انهى احسن وهى هتبقى لينا يعنى ليا ولمامتى وبابا وتقولى بردو عيوبهم ومميزاتهم ياريت عشان الحيرة دى والاكسنت هاتش باك بردو شوفتها

المشاركة الأصلية كتبت بواسطة medo84eg (المشاركة 724889)

اولا الف شكر علي الفكرة الهايله
ليا صديق شغال في العاشر من رمضان و ساكن في الهرم و بيفكر يشتري عربية و بيفكر في الرينو لوجان او رينو سانديرو او بي واي دي اف 3
يا ريت تفيدنا او لو عندك اقتراحات اخري
هو عاوز عربيه يروح و يجي بيها كل يوم ان شاء الله و تكون اعتمادية و متعملش معاه فصول بايخه و تتحمل
و الف شكر مقدما

المشاركة الأصلية كتبت بواسطة amer_wageh (المشاركة 722471)

انا معايا 50000 ومش عارف اجيب اية اصلا !!! مبدئيا كدا انا شغلى كل يوم سفر لاسكندرية يعنى كل يوم حوالي 650 كيلو وعايز عربية مستعملة تستحمل معايا مرمطة وقطع غيارها كويسة ومناسبة ومتوافرة وبصراحة انا محتار بين الفيرنا وال byd و الاسبرانزا والبروتون ساجا وعرفت ان الميجان 2006 كمان بنفس السعر وعلي فكرة انا مش من هواه السرعة الجنونية يعنى مثلا انا كبيري 140 علي الطريق انا شخصيا افضل الميجان بس مش عارف هتستحمل معايا ولا لاء وهل فعلا هى عربية مش بتاعة مرمطة ومشاكلها كتيرة فعلا ولا لاء وعموما انا برشح الفيرنا في المقمام الاول ومشكلة الثبات ممكن اركب جنوط 14 بس انتوا تنصحونى اشتري اية ؟؟؟ انا المهم عندى الصيانة وقطع الغيار المتوافرة لو فى حاجة غير العربيات دى تنصحونى بيها الحقونى بيهاااااااا وشكرااااااا مقدما علي الرد

المشاركة الأصلية كتبت بواسطة abolo2 (المشاركة 761248)

شكراً علي مجهودك
وكنت عاوز اعرف اجيب اية
المهم عندي انا عايز عربية اتوماتيك
السعر يكون في حدود 80000 جنية :Wkiss5: