مصر موتورز مجتمع السيارات - لمبة البطارية مسرية (منورة على خفيف ) والسيارة شغالة

صفحة 1 من 2

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - لمبة البطارية مسرية (منورة على خفيف ) والسيارة شغالة (https://www.masrmotors.com/vb/showthread.php?t=111061)

korky

29-03-2013 04:13 PM

لمبة البطارية مسرية (منورة على خفيف ) والسيارة شغالة

العيب دا هيجننى ومش عارف اعمل فى اية وخايف اروح لكهربائى من اياهم يدمر الضفيرة انتواكيد عارفين اللعب فى الضفيرة ممكن يسبب كارثة وحصلت معايا قبل كدا انا كشفت على البطارية والراجل قالى البطارية سلمية الحمد لله امال المشكلة فين بقى وسعات وانا بدور العربية المارش بيعلق يعمل تكة وماتدورش انما دلوقتى الحمد لله هههههههههههههه البطارية جالها شلل ومش قادر تدور العربية خالص مع العلم انى لو سيبها شوية وجيت ادور تنطق بس مش عايزة تدور شكلها اخدت انها تدور زق ياريت حضراتكم تفيدونى ولكم جزيل الشكر

Mohamed_Jz

29-03-2013 04:46 PM

رد: لمبة البطارية مسرية (منورة على خفيف ) والسيارة شغالة

كان عندي نفس المشكلة وغيرت الدينامو

korky

29-03-2013 04:51 PM

رد: لمبة البطارية مسرية (منورة على خفيف ) والسيارة شغالة

اقتباس:

المشاركة الأصلية كتبت بواسطة Mohamed_Jz (المشاركة 865446)

كان عندي نفس المشكلة وغيرت الدينامو

يعنى ممكن تكون المشكلة فى الدينامو ربنا يستر انا لسة مركب غاز للعربية واخد الى ورايا وقدامى على العموم انا متشكر جدا لاهتمامك وان شاء الله لما اعرف السبب اكيد هعرف المنتدى عشان الافادة تبقى للجميع

Mohamed_Jz

29-03-2013 08:49 PM

رد: لمبة البطارية مسرية (منورة على خفيف ) والسيارة شغالة

انا كنت شاكك فى لمبة التابلوة ولما رحت للكهربائى اكتشف ان الشربون عايز يتغير وكان ب 150 جنية فا جبت واحد استعمال ب 200

aamke

29-03-2013 09:53 PM

رد: لمبة البطارية مسرية (منورة على خفيف ) والسيارة شغالة

السلام عليكم و رحمة الله و بركاته ، احتمال يكون هناك سلك ملمس علشان كده اللمبة بتنور باستمرار ، و أما بخصوص ضعف البطارية لما بتعتل و بعد ما تتركها شوية تدور لأنها بتجمع شحنة في غالب الظن ، و الواضح أن هناك شيئ يضعف البطارية إما المياة اللي فيها قلت محتاجة تتزود أو بردت محتاجة تتغير ثم تتشحن من جديد و أما الدينامو مش بيشحن البطارية كويس ، لازم كهربائي ، و لو أنت من الهرم جيزة أدلك على كهربائي كويس و أحسبه أمين و يعرف ربنا .
و السلام عليكم و رحمة الله و بركاته:GROWIN~12:

الساعة الآن 04:18 PM.

صفحة 1 من 2

عرض 7 مشاركات من هذا الموضوع لكل صفحة