مصر موتورز مجتمع السيارات - مغامرات أبو كمال فى الصحارى و الجبال من الكويت لمصر

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

رد: مغامرات أبو كمال فى الصحارى و الجبال من الكويت لمصر

اقتباس:

المشاركة الأصلية كتبت بواسطة bmkbmk (المشاركة 127487)

تمام الوقت كدة يا باشا و بعيد تمام عن زحمة المدرسين
و الكوتش يا باشا لسة جديد ما شاء الله ... بص عليه بصة سريعة و اتأكد منه قبل السفر لو تمام اتوكل على الله و سافر بيه ... مش مستاهلة تغيير

نيجى لنقطة الحيرة ,,, العقبة ولا ضبا

اولا انك تستنى العبارة لليوم التالى دى موجودة فى المنطقتين مش واحدة منهم بس
و كمان الاتنين فيهم اماكن للبيات العقبة و ضبا

و زى ما قلت لك يا باشا المواعيد غالبا ثابتة و خصوصا فى الصيف بتبقى منظمة علشان زى ما انت عارف معظم الناس بتسافر فى الصيف يعنى اعمل حسابك انك تكون فى العقبة يوم الجمعة 11-06-2010 الساعة 9 صباحا او 10 صباحا على ما تدخل و تخلص ورقك و تحجز هتاخدلك ساعة او ساعتين و تقعد تريح لك ساعتين تغمض عنيك فيهم شوية يبقى تمام و ده يستدعى منك انك تنطلق من الكويت يوم 10 - 06 بالكتير قوى الساعة 9 صباحا او 10 صباحا برده ,,, عموما قولى خطتك ايه و نظبط المواعيد مع بعض ان شاء الله....

و بالنسة لوعورة طريق الاردن .... يا باشا هى هى انت بتمشى من الكويت نفس الطريق و نفس المدن لحد ما توصل مدينة تبوك فى السعودية و منها بتروح ضبا او الاردن ... و هى هى نفس وعورة الطريق.... يعنى مش فارقة

و على فكرة انا احتمال 90% انزل برى انا كمان بس على اخر شهر 8 لو ينفع معاك تغير الميعاد ممكن ننزل مع بعض....

و جاهز يا باشا لباقى الاسئلة ...

انا كان يشرفني جدا اننا نسافر مع بعض بس للاسف انا مش هقدر اغير المواعيد لاني ابني عنده مدرسه في شهر سبتمبر و كمان انا عاريز اروح و ارجع قبل رمضان لانه صعب جدا الواحد يسافر بري و هو صايم ... لو عندك اي حد من اصحابك او معارفك مسافر في نفس الوقت ابقى قولي و نظبط مع بعض ... اما موضوع ضبا و لا العقبه هخليه بقى لتساهيل ربنا و انا اسه برضه بسأل كل الناس اللي سافروا قبل كده و ربنا يقدم اللي فيه الخير ... مراتي اصلا عماله تقولي بلاها سفرة البر دي و خلينا طيران خاصة ان كل شركات الطيران دلوقتي عاملين عروض كويسه جدا ... بس بيني و بينك مصر من غير عربية بقيت صعبه جدا انا السنه اللي فاتت لنا سافرت اجرت عربية ب 200 في اليوم و لما جيب اسلمها كان فيه خدش على الباب كان واحد ابن حلال و ما اكترهم في مصر خربش الباب بمفتاح و لا عشرة صاغ حاجه زي كده ... بعني الموضوع بسيط جدا بس الراجل صاحب العربية طلب في الخدش ده 500 جنية و مرضيش يتنازل عنهم ابدا ده غير حساب الكيلو مترات الزياده لانه كان محددلي عدد كيلو مترات في اليوم ... و طبعا بعد كلا و شد و جذب في الاخر دفعت زي الباشا لانه واخد جواز سفري و مكتبني شيك بتمن العربية .. يعني في الاخر كلفني الموضوع كله حوالي 6000 جنية ده غير تمن تذاكر الطيران 450 دينار عشان كده انا مصمم على موضع السفر البري عشان اوفر على نفسي و جع الدماغ ده كله و ربنا يسهلها من عنده ان شاءالله

رد: مغامرات أبو كمال فى الصحارى و الجبال من الكويت لمصر

كنت عاوز اسألك صحيح هو جهاز الجي بي اس ده مفيد فعلا على الطريق يعني في ضروره اني اشتريه و لا الطرق واضحه و متوهش

رد: مغامرات أبو كمال فى الصحارى و الجبال من الكويت لمصر

اقتباس:

المشاركة الأصلية كتبت بواسطة maisam (المشاركة 127835)

يا باشا بالتوفيق ان شاء الله و اللى بتحكيه ده هو بالظبط اللى انا نزلت علشانه برى ... توكل على الله يا باشا و ركز فى الطريق و خلى بالك ... و تروح و ترجع بالف سلامة ان شاء الله ...

اقتباس:

المشاركة الأصلية كتبت بواسطة maisam (المشاركة 127837)

بص يا باشا الطريق واضح و معروف بس الجى بى اس دوره تأكيدى و خصوصا لو انت مسافر بالليل فا بتشوف عليه المنحنيات قبل ما تعدى عليها فا بيكون زى الملاح اللى راكب جنبك يدلك على الطريق .. فهو رفاهية كويسة جدا و مفيدة و لكنه ليس بالضرورة الملحة

رد: مغامرات أبو كمال فى الصحارى و الجبال من الكويت لمصر

مبروك لمصر يا شباب ptmnlo123per1147:260309~1 46::GROWIN~12::12BF16~166 ::soccer_372:ptmnlo123per 177:0369B3~177::837:

رد: مغامرات أبو كمال فى الصحارى و الجبال من الكويت لمصر

و الله الموضوع دا فادني جدا :)

انا ان شاء الله هنزل بالعربيه من السعوديه لمصر
بس لسه ماحددتش انزل عن طريق ميناء جده او اخدها عن طريق البر لغايه ضبا او الاردن
ptmnlo123per1140

تاني مره بشكرك علي موضوعك الجميل ده و ان شاء الله متابع موضوعك عن العوده