|
ايه خطوات تشطيب شقة ع الاحمر ؟
السلام عليكم ورحمة الله
الشقه ع الاحمر ولسه البرج باقيه تحت الانشاء ولسه متعملوش مواسير لحد الشقه والميه موجوده والكهربا مقدم عليها خلاص وصاحب البرج بيقول شطب من قبل ما يوصل العمومى من صرف وميه وكهرباء ... بصراحه البرج حديث البناء وصاحب العقار كل همه يدخل الكهرباء الاول عشان يطلع بباقى الادوار السكنيه الاخرى يعنى هياخد وقت على ما يدخل العمومى للبرج كله تنصحونى بإيه اشطب عادى واكسب وقت ولا استنى لما العمومى يدخل للبرج كله هل شغل الجبس لما نعمل المحارة والكهربا الاول ؟ ولا ع الاحمر عادى ؟ وكنت عاوز اعمل حديد على شبابيك المصقط وسور البلكونه وتركيب سلك عليهم ممكن يتعمل ع الاحمر ولا بعد المحارة افضل ؟ وهل تركيب الحديد والسلك دلوقتى قبل عمل الشبابيك سواء خشب او اولوميتال ؟ وايه تقريبا التكلفة المبدئية ؟ متابعينكم للاهميه وشكرا جزيلا |
رد: ايه خطوات تشطيب شقة ع الاحمر ؟
مبروك يا وائل باشا ربنا يملاهالك بركة ويهبك خيرها يارب
بص انت عندك شغل كتير ممكن تعملة عادى اولاً تبداء فى شغل السباكة الداخلية وتقسم مواسير وبلاعات ارضيات وكل حاجة قبل السيراميك ثانياً الكهرباء تجيب لوحة الكهرباء وتفرع منها تقسيماتك اللى انت عايزها فى كل اوضة وكل شغل تاسيس الكهرباء عادى ثالثاً نجارة الباب والشباك بتعملها على الطوب الاحمر عادى برضو وبعدين المحارة بتقفل عليها لكن لو الوميتال افضل تخليه بعد المحارة وممكن بعد النقاشه كمان لو خلصت اللى فات تبداء تفكر فى المحارة والجبس الاتنين بيتعملو مع بعض وتحديدا المحارة الاول وبعدين الجبس سواء اسقف او كرانيش او شغل جبس فى الحيطان كل ده بعد المحارة خلصت المحارة تفكر فى السراميك والارضيات تجيبه مره واحدة وتعمل الحمامات والمطبخ والارضيات خلصت كل ده يبقى فاضلك النقاشه تاسيس وفينش وفينش الكهرباء واذا كان الوميتال او حديد خلى ده كله فى الاخر اما بالنسبة للاسعار فعلى حسب حاجات كتير المساحة ومستوى التشطيب والمصنعيات والخامات بس فى المتوسط اى شقه دلوقتى زى كدة عايزة من اقل من 30 الى 50 الف جنية علشان تبقى شقة ربنا يكون فى عونك وتحت امرك فى اى استفسار تانى |
رد: ايه خطوات تشطيب شقة ع الاحمر ؟
الله يبارك فيك يا ابو نورا
شبابيك الالوميتال بتركب على حلوق خشب ؟ ولا الوميتال برده ؟ وتركيب الحديد ينفع ع الاحمر ولا بعد المحارة ؟ و تركيب شاشة التلفزيون بفشر عادى ولا بيتفحرلها فى الحائط ؟ ولو هعمل تكييف مستقبلا يعنى مش دلوقتى خالص اعملها القاعدة بتاعته من دلوقتى ولا اكتفي بعمل توصيلاته الكهربية فقط ؟ متابعكم وشكرا جزيلا |
رد: ايه خطوات تشطيب شقة ع الاحمر ؟
اقتباس:
|
رد: ايه خطوات تشطيب شقة ع الاحمر ؟
كنت عاوز اعرف تكلفة العزل المائي اد ايه من فضلكم ؟
وبتكون للحمام والمطبخ ولا لكل الشقه ؟ وهل من الافضل استعمال مواد مضاده للرطوبة فى المحاره ولالا ؟ وشكرا جزيلا |
| الساعة الآن 05:33 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017