لكل اللي عنده مشكلة تزييق في عفشة اللوجان ......... الحل السحري
 

السلام عليكم

كنت من فترة غسلت العربية وبعد الغسيل حسيت ان العفشة بتزييق او بتكتتك لو ماشي بطئ في حتة مكسرة وكان الموضوع ده بجد عاملي قلق لاني بنزل النخيل كتير وهناك الطرق كلها مدششة ولازم تمشي بطئ وبالتالي تزيق العفشة حتمي وبجد كنت ابتديت اتخنق لغاية لما اكتشفت الحل السحري وباذن الله الاكيد للموضوع دا



white grease

https://www.khlubes.com/white-lithiu...ans-pi-67.html

او الشحم الابيض اسبراي بحوالي من 25 الي 26ج بس والله سحر بقالي كتير مامشتش بالعربية مكتومة بالطريقة دي لا تزييق ولا تخبيط والغريبة ان الباور بقي اخف وطريقة استخدامة من اسهل ما يكون - انت تغسل العربية غسلة حلوة وتنشف مطرح الجلب بالهوا كويس وبعدين تركب الانبوبة الرفيعة في البخاخ وترش علي كل جلب العربية من قدام ومن ورا خلص العلبة علي الجلب كلها بس يا معلم وامشي - احساس رائع الحمد لله

في محطة البنزين اللي عملت فيها الموضوع دا بيقولولي ان الشحم دا دايما بتوع العربيات الامريكاني و ال 4X4 بيعملو الحكاية دي كل 6 شهور عشان العربيات دي مفهاش مشاحم ولو اتحط شحم عادي بيلم تراب وفايدتة بتبقي اقل من ضررة لكن الشحم الابيض دا ما بيلمش تراب ومالوش اضرار


تحذير هام POLICEE - الاقي واحد بقي بعد كده طالع يقولي اللوجان بتزييق ابعدوا عنها يا اخواني الاعزاء جايز اكون انا حالة فردية الله اعلم

رد: لكل اللي عنده مشكلة تزييق في عفشة اللوجان ......... الحل السحري
 

رد: لكل اللي عنده مشكلة تزييق في عفشة اللوجان ......... الحل السحري
 

اي عربية ينفع فيها مدام فيها جلب ومقصات

رد: لكل اللي عنده مشكلة تزييق في عفشة اللوجان ......... الحل السحري
 

ونشتريه منين دا يا باشا

رد: لكل اللي عنده مشكلة تزييق في عفشة اللوجان ......... الحل السحري
 

يا ريت تقولنا اسمه ايه او نجيبوه من فين يعنى لو نزلت التوفيقية اقول لهم عاوز شحم ابيض اسبراي

يرجى التوضيح