مصر موتورز مجتمع السيارات - عطل مفاجئ و غريييييييب جدا في السيارة byd f3 رجاء المساعدة

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

عطل مفاجئ و غريييييييب جدا في السيارة byd f3 رجاء المساعدة

السلام عليكم و رحمة الله و بركاته

حصل عندي عطل غريب جدا في السيارة و غير متوقع

السيارة لا تدور نهائيا ..........في تهييس في الريموت مرة يفتح و مرة لا .....

عالعموم احكي الموضوع من اوله.............العربية كانت دايرة والدي قفلها و نزل يجيب حاجة و جه يدورها ما دارتش ......و مفيش صوت مع الدوارة خاااااالص و التابلوه بينور و العدادات عادي و في وضع ال acc الكاست شغال طبيعي جدا و لكن العربية لا تدور

بالصدفة البحتة حب يولع سيجارة لقا الولاعة داخلا مكانها حشر مش مرتاحة في مكانها...........عدلها و جه يدور العربية ........الغريب العربية دارت عادي جدا .........و رجع بيها و حطها في الجراج...........تاني يوم الي هو امبارح جه بيفتح العربية بالريموت و لا توجد استجابة من العربية للريموت اطلاقا .......فشك انه الريموت في عطل اتصل بيا جبتله الريموت و المفتاح ال اسبير و نفس الحكاية.....فتحنا الباب بالمفتاح و جه يدور لقا نفس العطل القديم.........و عليه من ساعتها نفس الموضوع و الجديد ان الريموت فتح معايا مرة و جيت اقفل بيه العربية تنور و تطلع الصوت المعتاد و لكن ..السنتر ما يقفلش و برضه وضع ال acc شغال تمام جدا و الكاست شغال و نور العدادات بينور ......

رجاء المساعدة يا جماعة من اي حد عنده معلومة عن الموضوع و انا في احساس داخلي بالنسبالي انه عطل بسيط و في حاجة المفروض اتتعمل بسيطة

وشكرا

رد: عطل مفاجئ و غريييييييب جدا في السيارة byd f3 رجاء المساعدة

رائى ليك هو حجز والتوجه الى التوكيل علشان منع لاى افتاءات ممكن تزود المشكله

رد: عطل مفاجئ و غريييييييب جدا في السيارة byd f3 رجاء المساعدة

اقتباس:

المشاركة الأصلية كتبت بواسطة tifa_1979 (المشاركة 469322)

رائى ليك هو حجز والتوجه الى التوكيل علشان منع لاى افتاءات ممكن تزود المشكله

تمام طبعا لو استمرت المشكلة هنروح التوكيل

بس لو هيا حاجة بسيطة او ضبط يتعمل و خلاص

انا شاكك اصلا في نظام منع السرقة لو حد عنده معلومات عن الموضوع ده يقول لو سمحتم

و شكرا لردك

رد: عطل مفاجئ و غريييييييب جدا في السيارة byd f3 رجاء المساعدة

التوجه الى التوكيل بعد الحجز ومراجعه السياره بجهاز الكمبيوتر لتحديد العطل مراجعه البطاريه وعمل الصيانه للبطاريه
وقياس المياه وكثافتها فى توكيل كلورايد وعمل صيانه دوريه شهريا فى توكيل كلورايد مجانا
وقياس مستوى شحن الدينامو قبل التوجه للتوكيل
ومراجعه الفيشه الخاصه بجهاز الايموبلايزر اسفل الكرسى الملاصق السائق وفصلها واعاده تركيبها ان امكن لوجودها فى مكان شديد الضيق وفى حاله عدم دواره السياره يعاد عمليه الدواره 10 مرات وفى المره الحاديه عشر يتم دواره السياره ويتم فك الشفره ولا بد اغلاق السياره بالريموت وفتحها بالريموت ولا يتم فتح السياره بالمفتاح
لكى لا يتسبب فى عدم عمل جهاز الايموبلايزر

للموديل جى ال اى و جى ال اكس اى فقط
الموديل جى اى لا ينطبق عليه المداخله

رد: عطل مفاجئ و غريييييييب جدا في السيارة byd f3 رجاء المساعدة

انا ارى انك تفصل جهاز الانذار لمد ه يوم وتجرب العربيه لانه لوبيعلق العربيه مش هدور بعيدا عن اى فنيات هذا رائى