مصر موتورز مجتمع السيارات - تجربتى مع تعديل نظام الإشعال ..... حكايتى مع الموبينة

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: تجربتى مع تعديل نظام الإشعال ..... حكايتى مع الموبينة

حضرتك انا مبشتكيش منها
بس فية حاجة غريبة بتحصل معاية .
لما مروحة التبريد بتشتغل بتخلى الموتور يهدى ( زى اللانوس لما تشغل التكييف rm بينزل شوية)
ولما المروحة بتقف الموتور بيرجع لطبيعته .والمروحة عندى كبيرة زى بتاعة الشاهين وراكبه على كتاوت
فكنت بفكر اركب كتاوت للموبينة تنظم الكهربه

رد: تجربتى مع تعديل نظام الإشعال ..... حكايتى مع الموبينة

اقتباس:

المشاركة الأصلية كتبت بواسطة احمد كاسبرسكى (المشاركة 970214)

ركب كتاوت امبير ضعيف شوية 10 امبير,,, بس اللى ظهر بعد كدا ان الملف الابتدائى بتاع الموبينة بياخد امبير قليل وانا عشان كنت حاطط اتنين كوندينسر ومقاومة على الموبينة كانت الدنيا تمام الحمدلله مشعارف ايه النظام عندك
ياريت برضو تشوف حالة الدنمو والبطارية وتوصيلاتها طلاما المروحة بتأثر كدا
انا كنت مركب مروحتين ف ال131 وكانت فعلا لما تشتغل كأن فيه حد نط جوا الكبوت والعربية ماشية

رد: تجربتى مع تعديل نظام الإشعال ..... حكايتى مع الموبينة

اللى كان بيحصل عند حضرتك فى 131 هو دا بالظبط اللى بيحصل عندى .
الدينمو عندى المانى كتاوت داخلية 65 امبير وكذا صنيعى يشوفو يشكرلى فيه
والبطارية مغيرها فى شهر 2 اللى فات ولسة بشوكها . والمشكله دى معاية من زمان حتى قبل مغير البطارية و الدينمو ويأست من حلها واقلمت نفسى معاها ( اول مالمروحة تشتغل ادوس بنزين ذيادة علشان اعوض جهد الموتور اللى بينقص )
- طيب ممكن اعرف حضرتك حلتها ازاى فى 131 ولا بعتها على كده
- طيب لو ركبت كتاوت امبير ضعيف ميحرقش الموبينة او الكتاوت نفسها متعملش فرق

ملحوظة اخيرة كل مأسئل حد على كتاوت للموبينه يقولى مفيش الا كتاوت للدينو والمروحة والنور والكلاكس

واسف على الاطاله وشكر عميق لحضرتك على سرعة الاستجابة

رد: تجربتى مع تعديل نظام الإشعال ..... حكايتى مع الموبينة

اقتباس:

المشاركة الأصلية كتبت بواسطة احمد كاسبرسكى (المشاركة 970325)

انا كنت عامل ضفيرة الموبينة على ايدى وكنت عاملها كمان بمفتاح فصل
الموجب اللى جاى من الكونتك هو اللى هيكلم الكتاوت ومن الأخير للموبينة
اللى بيكون عليها مقاومة وكوندينسر دوسيللر بيجو اضافى علشان الابلتين ميلدعش
وشوف كتاوت المروحة يمكن يكون فيه مشكلة او المروحة فيها مشكلة
اصل المواتير بتاعت المراوح بيبقى فيها راجع وقصص كدة فمطلوب انها بس تأدى الغرض ومتشتغلش كتير عشان متحملش ع الدينامو ولا البطارية
بس لو البطارية تمام عمرك ما هتحس باللى بيحصل ده وبرضو هرجع واقولك ارضى الموتور والبطارية وارضى المروحة تراجع عليهم ومهم اوى كمان لقوة الشرارة اللى خارجة م الموبينة يكون ارضى الموبينة متوصل كويس جدا بالموتور وفى نفس الوقت بعيد عن حرارته

رد: تجربتى مع تعديل نظام الإشعال ..... حكايتى مع الموبينة

فى الردود القديمة كنت ملمس معاك وفاهم كل حاجة
اما الرد الاخير صدمنى ومفهمتش نص الرد الاول اما النص الاخير تمام بالنسبه لكابل الارضى عتدى كويس ومصنفر تحته ومربط عليه اوى