مساعدة في اوبترا 2007 اتوماتيك
 

السلام عليكم و رحمة الله و بركاته :1200F8~158:
انا لسه شاري اوبترا 2007 اتوماتيك السيارة عاملة 83000 كم من حوالي ثلاث اسابيع (:837:)
اول ما اشترتها عملتلها الاتي:
تغيير فلتر و زيت الموتور (شل 5000)
تغيير فلتر الهواء
تغيير فلتر البنزين
تغيير فلتر التكييف
تغيير البوجيهات
تغيير زيت الفتيس (الميكانيكي هو اللي قاللي لازم يتغير)

و السيارة كانت عال عال و ماشية حلو بفضل من الله و لا سيما اني نازل من عربية شاهين 1999 الي هذه الاوبترا الاتوماتيك فطبعا هناك فرق و لكن MAD

امبارح كنت ماشي في الدقي (حوالي الساعة الرابعة عصرا) و الشارع زحمة جدا و الدنيا حر جدا :fun_36_1_47[1]: و كنت مشغل التكييف و الكاسيت و كل شوية الشارع يقف الي ان جيت اعمل u turn الف و ارجع لقيت العربية راحط مبطلة مني مش عارف ليه :110105no44: جيب غيار ال P و روحت مدور تاني و علي سبيل التاكيد انه مش وساخة بنزين رحت مزود بنزين و انا علي ال p ثم جبت ال D و بادوس بنزين العربية بطلت تاني
رحت قفلت الكاسيت و بطلت التكييف و طبعا العربيات اللي و رايا هاتك يا كلاكسات و زعيق و اكني قاصد اقف و اعطلهم:3mla: روحت بعد ما بطلت الكاسيت و التكييف جبت ال P مرة اخري و دورت راحت دارت و جبت ال D و دوست بنزين (طبعا كنت بادعي ربنا انها تمشي و الا اللي ورايا كانوا هيبتدوا ينزلوا و يضربوني :khd:) راحت العربية مشيت و الحمد لله.
في نفس اليوم بالليل قلت اجرب العربية تاني روحت نازل و اخدت العربية و فتحت كل الانوار و شغلت الكاسيت و فتحت التكييف علي اسعق حاجة و اعلي مروحة و قعدت اتمشي بالعربية بس الحمد لله كانت ماشية تمام التمام :14369D~149:

و سؤالي هو الاتي للاخوة الكرام:
ما هو السبب المحتمل للي حصل و هل يمكن ان يكون مشكلة - يعني المفروض اعمل ايه دلوقتي اصهين و كان مافيش حاجة حصلت ام اعمل ايه؟:thnkr:

و اذا لا قدر الله حصل و لم ترضي انها تمشي انا سمعت ان الاتوماتيك لما بيعطل بتكلبش في الارض يعني ما ينفعش نزقها هل هذا صحيح ام ماذا ؟:08A742~169:

طبعا الموضوع ده عكنني و شايل همه و مش عارف ايه هو السبب

برجاء المساعدة شكرا لكم الف شكر :fun_36_3_9[1]:

رد: مساعدة في اوبترا 2007 اتوماتيك
 

مبروك علي السياره الاوبترا انا معايا واحده كامله 2006 وهي نفس 2007 اولا انصح حضرتك انك تغيير كمان طقم السيور خاصة الكاتينه وبلية الكاتينة ( ياريت البليه تكون صناعه كندي عشان ديه انظف بليه )وسير الدينمو والتكييف مع مراعاة بلية شداد سير الدينمو والتكييف عشان ممكن تكون خشنه وتسبب صوت طبعا الحاجات دي ملهاش دعوه بالمشكلة اللي حصلت ليك بس حضرتك لم تذكر موقف عداد الحراره عند حدوث هذه المشكلة فلو كان عالي احتمال تكون المياه ناقصه وادت الي سخونة العربية ، ثانيا ياريت حضرتك تتأكد من جودة طقم سلك البوجيهات عشان حضرتك قولت انك غيرت البوجيهات فقط واحتمال السلك يكون مش كويس بس لو غيرته هاته الاصلي وبلاش الرخيص المضروب وبرده يا ريت حضرتك تكشف علي شحن الدينمو وتشوفه كويس ولا ايه عشان هو اللي بيغذي العربية بالكهرباء ، كما ان حضرتك لم تذكر اذا كانت لمبة الاعطال ( لمبة الاتشك ) منوره ولا ايه فاذا كانت منوره احتمال يكون هناك حساس بيعلق وده تعرفه بالكشف بالكمبيوتر علي السياره بس لو كشفت بالكمبيوتر ياريت يكون بمركز صيانه معتمد وبلاش الكهربائي العادي اللي عنده جهاز عشان مبيعرفوش يستخدموه وبيفتوا وخلاص ، وبرده وانت بتغير سلك البوجيهات خلي الميكانيكي بتاعك يتخبر الموبينه ويشفها بتشرز كويس ولا ايه ، وياريت في الحر ده تروح اي بنزينه موبيل وتعمل غسيل للريداتير وتحط مياه خضراء وياريت تكون موبيل وسيبك من اللي يقولك ان كلها مياه خضره وخلاص صدقني بتفرق كتير وياريت بعد كده لما تيجي تغير زيت الماتور تحط موبيل اكس اتش بي وتغيره علي اربعة الاف كيلو مش خمسه واخيرا يا ريت حضرتك تبقي تفتح غطاء المحرك وتدور السياره لوحدها الاول وتشوف مروحة التبريد الكبيره لازم تشتغل لوحدها لما العربية تبتدي تسخن واذا فتحت حضرتك التكييف لازم المروحتين يشتغلوا مع بعض ، هذا علي حد علمي والله اعلم واتمني لك السلامه علي الطريق .

رد: مساعدة في اوبترا 2007 اتوماتيك
 

اتفضل يا عم عاوز ايه اكتر من اللي قاله استاذ نقراشي :clapW15:

رد: مساعدة في اوبترا 2007 اتوماتيك
 

نظف بوابه الهوا واعملها ريسيت وان شاء الله مش هتطفي تاني
وبالتوفيق