صوت نحره فى الموتور
 

اعزائى الفيرناوية
فيرنتى 2011 عامله 9000 كيلو
فى صوت نحره بسمعه لما بجيب عدد لفات 2500 عند اى غيار
يا ترى ده كهرباء ولا مسام الشكمان لسه متسدتش لحد دلوقتى ولا ده صوت طبيعى ولا انا رجلى تقيله ع البنزين
مع العلم بانى قلتلهم على الصوت ده عند صيانه الالف قالولى ده صوت الشكمان ولما مسامه هتتسد هيختفى قلتلهم طب هتتسد امتى تقريبا قالولى على عشر الاف كيلو كده

فانا عايز اخد رائيكم الصوت ده لسه موجود يا ترى ليه ؟

رد: صوت نحره فى الموتور
 

حاول تغير زيت وفلتر

وتعملك مشوار محترم على طريق سريع لكنس كل الكربون المتحوش

داخل علب الشكمان

ستجد خيرا بإذن الله

رد: صوت نحره فى الموتور
 

لو حضرتك تقصد صوت تنفيس من تحت العربية ، كان معايا فيرنا 2009 فيها نفس الموضوع ده ورحت غيرت سوستة الشكمان وجبت السوستة المستوردة النظيفة اللى فيها Sheild من جوا وبرة ، وركبتها فى العربية وطبعا فرقت جدا فى سحب العربية لأن الأول كان السحب ضايع مع السوستة القديمة ، ودى عن تجربة شخصية ( السوستة بالمصنعية 100 جنيه ) وزى ماقلت سالفا أنها مستوردة و فيها Sheild من برة وجوه والعادية المصرى أو الصينى بتبقى من برة بس
تقبل مرورى

رد: صوت نحره فى الموتور
 

وتعقيبا على الكلام ده الشكمان عبارة عن وصلات ، ومواسير و علب مش مسام
وبعد تغيير سوستة الشكمان سيختفى الصوت نهائيا وسوف تلاحظ إختلاف كبير فى سحب السيارة على الطريق وبالطبع إستهلاك البنزين
( طلعت بيها الغردقة وماشى 160 لمدة 3 ساعات بتنك إلا ربع) ومشغل التكييف
الكلام ده عن تجربة شخصية

رد: صوت نحره فى الموتور
 

متشكر لردودكم واهتمامكم بس كنت عايز توضيح اكتر بعد اذنكم فين سوسته الشكمان دى مكانه فين بالظبط وهل فى كذا سوسته ولا هى واحده