|
استفسار عن كيا 2012 قبل الشراء....
السلام عليكم و رحمة الله... أولاً أحب أشكركم على المنتدى الأكثر من رائع ده واللي أنا لسه عارفة من فترة قصيرة.. بس استفدت منه جداً... كان عندي استفسار عن الكيا البيكانتو موديل 2012.. كنت بفكر أشتريها.... بس بصراحة أنا كنت قربت أشتري البريليانس cross بس شكل البيكانتو الجديد شدني قوي... المهم أنا كنت عايز أستفسر عن سعرها مانيوال أو أوتوماتيك فول أوبشن بكام... و المواصفات هنا في مصر إيه؟ و شكراً مقدماً |
رد: استفسار عن كيا 2012 قبل الشراء....
محدش رد ليه يا جماعة !!!!
|
رد: استفسار عن كيا 2012 قبل الشراء....
السلام عليكم ورحمة الله وبركاته ..
كيا بيكانتو فول أبشن أتوماتيك 83.000 (مواصفات خليجي) وأعتقد ان المانيوال منها هيبقى في حدود 76.000 أو 78.000 بس أنا رأيي تستنى العربية لما تنزل من التوكيل عشان الضمان ولو في أي عيوب صناعة تقدر تحل مشكلتها بسهولة ... أنا كمان مستنية العربية تنزل بفارغ الصبر لإني محتاجاها جدا واللى مخليني استناها ان موتورها 1300 سي سي مش زي 2011 موتورها 1100 سي سي عامة ربنا يسهل وتنزل ان شاء الله في شهر أكتوبر أو نوفمبر وربنا يباركلك في العربية اللى تشتريها ان شاء الله |
رد: استفسار عن كيا 2012 قبل الشراء....
ممكن توضح لى أيه الفرق لما تشتريها خليجى وإنك تشتريها من التوكيل المصرى ؟ لان فيه ناس بقتول لى إن الخليجى بيبقى أفضل.
|
رد: استفسار عن كيا 2012 قبل الشراء....
الخليجى بموصفات خليجية بس الافضل تشترى من التوكيل لان معظم المكينيكية فى مصر مش
بيفهموا فى الخليجى والخليجى بيكون ارتفاع العربية عن الارض اقل من المصرى لان طبعا فرق كبير بين الطرق المصرية والخليجية والتكيف الخليجى اقوى من النسخ المصرية بسبب الجو الحار فى الخليج بجانب شوية ابشن زيادة بس مش مفيده اووى و الخليجى ملهوش ضمان فى مصر او لازم تدفع فلوس للتوكيل علشان يرضى يدخل العربية فى الضمان بتاعة ولازم تدفع من 4_8 الف جنيه |
| الساعة الآن 05:27 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017