|
"ريحت" على عربية حد قبل كده؟
نظرا لأنى نزلت لقيت عجلة نايمة والبطارية نايمة والأستبن نايم والعربية فى جراج عمارة وكانت تجربة ربنا ما يخلى حد يعدى بيها, ونظرا لأنى خرجت متضايق والصيام عامل عمايله, وأنا بركن (بعد ما لفيت الشارع رايح جاى 4 مرات) ريحت على عربية getz وأنا بركن موازى ومحصلش أضرار على حد علمى, والموضوع مضايقنى جدا لأن دى أول مرة تحصل معايا ومعرفتش أعمل أيه.
السؤال دلوقتى, هل ريحت على عربية حد قبل كده, ولو ريحت بتعمل أيه بتسيب رسالة ولا بتستنى صاحبها ولا أيه؟, ولو شفت حد بيريح على عربيتك بعربيته بتعمل أيه؟ وأنا عايز تجاربكوا مع "الترييح" وبتعملوا أيه, أهه الواحد يتعلم حاجة جديدة. ومش عايز حد يتكسف, كلنا بنغلط وهنغلط تانى وتالت ورابع. صورة ال getz بعد الترييحة http://www.team-bhp.com/forum/attach...ear-ended-.jpg ((((just kidding))))444546 |
رد: "ريحت" على عربية حد قبل كده؟
اترك رقم تليفونك على الزجاج واعرض على صاحبها الاصلاح لو قبل خير لو عفا برات زمتك
من اتلف شى عليه اصلاحه وشكلك راجل محترم عندك ضمير |
رد: "ريحت" على عربية حد قبل كده؟
لا ياباشا الصورة أنا بهزر طبعا وكاتب تحتيها,هو أنا لو خبطت عربية كده هاسيبها وأمشى برضهANAA7TG, أنا ريحت عليه براحة ومن غير أى أضرار لا ليا ولا ليه, أنا بس الموضوع مضايقنى قوى, وحضرتك برضه مقولتش موقف حصلك444546.
|
رد: "ريحت" على عربية حد قبل كده؟
الترييح دة عادى جدا يا باشا
|
رد: "ريحت" على عربية حد قبل كده؟
انا اول ما شفت الصوره كنت مجهز رد اااااااااااد كده علشان اكتبهولك و اقولك انك فاهم الترييح غلط:)
المهم ندخل ف يالموضوع انا ما ريحتش غير مره واحده بس كانت بال 132 و ابن خالي كان بره العربيه بيرجعني لان الدنيا كانت ظلام دامس(حلوه دامس دي:) ) و المهم عمال يقول ارجع ارجع ارجع و طاااااااااااااااااااااااا ااخ كان ورايا عربيه ريجاتا اخدت الشبكه و الفانوسين في سكتي المهم بصينا مالقيناش حد و قمنا طالعين راكنين العربيه بعيد (كنا شياطين اياميها :) ) و بصراحه ضميري وجعني لكن كنت اياميها طالب و مش معايا فلوس اصلح العربيه و واحد قريبي بحكي له قالي خد اي مبلغ مني و روح للراجل ادفعه و قوله انا اللي خبطها بس بصراحه اتحرجت لاني كان فات يومين و الراجل بسم الله ما شاء الله لقيت جاب الشبكه و اوشاش الفوانيس و العربيه واقفه بتبرق :) المهم ماشي في مره و سرحان بعدها باسبوع و تاكسي وقف فجأه و انا ما اخدتش بالي و طااااااااااخ دخلت فيه نزلت الاقي الفوانيس الاماميه و الشبكه و حته من الكابود مخبوطه:) قولت دا عقاب من ربنا والحمد لله. المهم العربيه لو ريحت عليها و ما حصلش حاجه يبقي خلاص ما تتكلمش اما لو حصل يبقي حل من الاتنين يا تستني صاحبها يا تكتب ورقه و تحطها في المساحه او المرايه و هو لما يجي يتصل بيك و يقدر اذا كنت تساعده في تصليح العربيه ولا لاء |
| الساعة الآن 11:17 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017