أشترى كيا كارينز أم ميتسوبيشى لانسر ؟
 

السلام عليكم

بشترى عربية اليومين دول وبعمل مقارنة بين الكيا كارينز واللانسر

الاتنين سعرهم واحد تقريبا الكيا وكيل هاى لاين 130000 جم واللانسر كاملة 132000 جم

عايز ترشيحاتكم لى مع توضيح المميزات والعيوب لكل منهم علما انى راكب لانسر عفشة رياضية كاملة كوديل 2006 بقالى 5 سنوات ... لكن محتاج عربية عائلية والكارينز مناسبة بالنسبة للعائلة لكنى خايف من سعتها اللترية المنخفضة 1600 سى سى وخايف عزمها يكون ضعيف

ف ياريت اللى عنده فكرة عن قوتها وتسارعها يفيدنى وجزاكم الله خير

رد: أشترى كيا كارينز أم ميتسوبيشى لانسر ؟
 

بص العربيتان كويسين جدا جدا
بس مينفعش يتم مقارنة بنهم لعدة اسباب
لو انت عايز عربية عائلية يبقى الكارينز لو عايز عربية قوية وطبعا اليابانى افضل من الكورى يبقى لانسر
مينفعش اقارن عربية عائلية بعربية عدية خالص
بس للمعلومات الكارنز عربية قوية وعزمها شديد ووسعة جدا جدا من جوة ولكن الانسر اسرع
كمان مهم تعرف ان الانسر فى رخصتها اقل من 1600 والكارينز فى رخصتها بيتكتب 1600 سى سى
استخير ربنا وحدد طلباتك
عايز عربية عائلية وعالية عن الارض ووسعة يبقى الكارينز
عايز عربية وسعة وسريعة يبقى الانسر
متنساش تشوف العروض فى باب العروض علشان تستفيد من عروض اعضاء مصر موتورز
ومبروك مقدما

رد: أشترى كيا كارينز أم ميتسوبيشى لانسر ؟
 

الله يبارك فيك أستاذنا سيف الدين

وأشكرك على الرد

أنا اريد سيارة عائلية بالفعل ... وكفة الكارينز أرجح فى الميزان

ومحتاج أعرف السرعة القصوى الفعلية ( عملياً ) للكارينز كام ؟

يعنى اللانسر بتجيب معايا 185 كم/ساعة بسهولة بدون مكيف ... الكارينز ايه وضعها؟

رد: أشترى كيا كارينز أم ميتسوبيشى لانسر ؟
 

وكمان عندى سؤال بالنسبة للقيمة الإستردادية للكارينز

يعنى لما احب أبيعها هلاقى زبون بسهولة زى اللانسر ولا ايه

ولو لقيت زبون هخسر فيها كام سنوياً بفرض الحفاظ على حالتها

رد: أشترى كيا كارينز أم ميتسوبيشى لانسر ؟
 

زى ما استاذ سيف قال لحضرتك
مفيش مقارنة بين الاتنين دى سيارة عائلية والتانية سيارة سيدان عادية
حضرتك اللى تحدد عايز اية ومتطلباتك اية من عربيتك
اعتقد ان سعر اعادة بيع الكارينز كويس مش هتخسر فيها
لعدة اسباب انها انتشرت كتير ونها كورى كاملة فمش هتخسر فيها كتير
استخير ربنا واللى فية الخير يعملة ربنا
تحيااااااااااااااتى