|
ممكن أخد رأيكم فى حاجة ؟
ممكن أخد رأيكم فى حاجة ؟ لو جبت نوبيرا 2002 أتوماتيك ماعملتش 36000 كم مافيهاش خدش واحد و بحالة المصنع تكون كويسة؟ هو طالب 47 ألف. ماتستغربوش من كلامى. هو صاحبى ومدرس زميلى فى المدرسة بيمشى بها كل يوم حوالى 1 كم.ايه رأيك؟
|
رد: ممكن أخد رأيكم فى حاجة ؟
والله اللى أنا أعرفة إن النوبيرا كويسة بس طبعا موضوع الثبات زيها زى الهيونداى بس أهم حاجة الحالة من العفشة للميكانيكا للصاج عشان لو فى برومة ولا لأ وطبعا لازم الدهان عشان تعرف إذا كانت رشة ولا لأ
وربنا يكرمك يوفقك لما فيه الخير |
رد: ممكن أخد رأيكم فى حاجة ؟
شكرا أحمد. العربية مشافتش أى رش غير بتاع المصنع.حاجة كمان العربية فعلا ما مشيتش. ثالثا بقول أخدها لو وصلت 47 أو 48 كاش ولا يبقاش عليا أقساط طالما انا عارفها معلش انا طالب رأيك فى الموضوع دا من حيث الثبات أعتقد هى أتقل شوية من الفيرنا بالإضافة انها full options وفيه ABS كمان. آسف لإزعاجك لكن انت عارف ان اختيار العربية زى الجواز لازم أدقق فيه مع ان الاتنين ممكن يموتوا الواحد. حفظك الله و ايانا
|
رد: ممكن أخد رأيكم فى حاجة ؟
ربنا يبارك لحضرتك فيها بس الكورى كله عموما خفيف على السرعات العالية أنا كان معايا هيونداى إكسيل بصراحة بعد 120 لازم سواق محترف بس دلوقتى جيبت أوبل فيكترا 98 بسم الله ماشاء الله على الثبات 140 كانك ماشى على 80 فلازم موضوع الثبات تاخد بالك منه فكل الكورى
بس النوبيرا إمكانياتها أحسن من الهيونداى بكتير واحد صاحبى كان عنده نوبيرا إستيراد (abs - فتحة سقف - وكاسيت سى دى وشرايط - ومفتاح مشفر - وجنوط أسبور - نواكل ) يعنى العربية النوبيرا بسم الله ماشاءالله عليها والاهم إن مش هيكون عليها أقساط يعنى بتاعت حضرتك من أول يوم تركبها ودة الاهم لكن السعر حضرتك أنا بقالى فترة مش متابع عشان بمتحن ممكن حضرتك تسال فى قسم الدايو هنا فى المنتدى وربنا يكرمك ويوفقك لما فيه الخير |
رد: ممكن أخد رأيكم فى حاجة ؟
ربنا يبارك و يكفيك شرها . أنا معايه نوبرا 2001 بأمانه العربيه مفيهاش غير عيب واحد و هو (جلب المقصات) = 40جنيه بتتغير حوالي كل شهريت أو 3 حسب مشيك أما بنسيه للثبات فلعربيه تقيله و رسيه جدا على الطريق لحد 200كم/ساعه ولو عرفت تنزل في سعرها كمان يكون أحسن عشان سعرها دلوقتي عامل من 40 ألف إلى 45 ألف
|
| الساعة الآن 06:18 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017