|
سؤال لمالكي الجيلي ck
بسم الله الرحمن الرحيم
كان عندي عربية جيلي ck1 كنت شاريها مستعملة موديل 2006 كانت مستعمله 4 سنين بس بصراحة كانت عربية جميلة في معدل تسارعها و قلة اعطالها و قطع غيارها كمان في التوكيل اللي في اسكندرية في محرم بك متوفرة بس كان عندي فيها مشكلتين الاولي ان العربية فيها اوبشن انها تسوجر بعد سرعة 30 كيلو فاللي راكب لما بيحب ينزل مش بيصبر لما افتح له السنتر من الريموت و يحاول يفتح الباب يروح كاسر الاكره الداخلية وده خلاني اغير الاكر الداخليه اكتر من مرة لانها ضعيفة العيب التاني و ده اللي انا بسأل عليه هوه اني شاري العربية مستعمله و فيها الايه بي اس عطلان و كانت الفرامل ضعيفة و مهما عملت حتي اني غيرت الماستر جديد من التوكيل الفرامل برضه مش عجباني و كل شوية عايز يتسحب الهوا بتاعها فياتري ده كان عيب في عربيتي بس ولا في الجيلي عموما لاني بعتها من فترة و ناوي اشتري واحده تانيه زيرو فياريت اللي معاه العربية دي يعرفني ايه اخبار الفرامل معاه و الف شكر علي الاهتمام م - سامح ليله |
رد: سؤال لمالكي الجيلي ck
انا لسة عامل عمرة فرامل كاملة للجيلى وانا مش مالك ليها لكن اشتغلت فيها
والفرامل فوق الممتازة غيرت ماستر عمومى وجبت بتاع الجيلى ما جبتش حاجة متوافقة معاها غيرت تيل امامى بتعها ودة كان ضد رغبتى لانى كنت عاوز املى التيل الامامى لكن صاحب العربية قالى هاجيب جديد وما حكم فى مالة ما ظلم مليت تيل خلفى بخامة هندى 6 مللى لصق وليس برشام خرط الطنابير الخلفية ( اخت السوكة فقط ) الاداء اتحسن كتير جداااااااااااا وبقت على الشعرة لكن ظهر عيبين اول عيب صفارة فى التيل الامامى عشان المالك ما سمعش الكلام لان وانا بركب التيل الجديد لاحظت ان مفهوش مجرى تراب فكدة لازم هايصفر ولما العربية تسخن اداء التيل هايقل كتير تانى عيب ان العجل الامامى كان بيسخن زيادة عن اللزوم وكان الحل بتاعة انى اخف التحميل علية من تحت الماستر امام السيرفو وفعلا العجل بقى باااارد كونك انك كل شوية بتاخد الهواء من الداير يبقى فى حاجة عندك بتسرب هواء |
رد: سؤال لمالكي الجيلي ck
موفق ان شاء الله :Wkiss5:
|
رد: سؤال لمالكي الجيلي ck
اقتباس:
انا دايما كنت بغير بتيل اصلي من التوكيل لاني مرة غيرت بتيل ملو و اتاكل بسرعة جدا لاني بعمل بالعربية كل يوم 160 كيلو ماكملش معايا شهر انما الاصلي كان بيعدي ال 8 شهور و ساعات سنه و بالنسبة لموضوع التسريب اشك فيه لان الزين ماكانش بينقص بس الماستر تصميمة غريب و الحارات بتاعته قصيرة عل ما اعتقد لاني بعد ماركبت الجديد فكيت القديم علشان اشوف ايه عيوبة و مفيش فرق الجديد من القديم انا بقول يمكن علشان الاي بي اس كان ملغي مش شغال هوه ده السبب و الله اعلم و الف شكر مرة تانيه م - سامح ليله |
رد: سؤال لمالكي الجيلي ck
اخى الكريم لما قلت التسريب مكنش قصدى ان فى زيت ينقص ولكن وحضرتك عارف طبعا ان لما الماستر بيرد مكانة ممكن ياخد هواء من اى مكان مش محكم ...........الدايرة نفسها بتاخد هواء
وعموما انا حكتلك على التجربة والنتيجة مرضية باستثناء صوت الصفير من التيل الامامى |
| الساعة الآن 05:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017