مصر موتورز مجتمع السيارات - كل مايخص ريجاتا 100 Sو اى كتالوجات و معلومات

مصر موتورز مجتمع السيارات (https://www.masrmotors.com/vb/index.php)

- FIAT Regata (https://www.masrmotors.com/vb/forumdisplay.php?f=233)

- - كل مايخص ريجاتا 100 Sو اى كتالوجات و معلومات (https://www.masrmotors.com/vb/showthread.php?t=63464)

رد: كل مايخص ريجاتا 100 Sو اى كتالوجات و معلومات

اقتباس:

المشاركة الأصلية كتبت بواسطة totty9000 (المشاركة 654894)

السلام عليكم ورحمه الله وبركاته
انا عندى العربيه بتستهلك بنزين كتير يعني بتعمل فى الصفيحه 100 كيلو ويمكن اققل ولما بدوس بنزين جامد بطلع دخان اسود من الشكمان جامد
دا مشكله كرببراتير ولا ايه ؟

مشكلتك فى ظبط الهواء لازم تروح تعمل صيانة للكربراتير

رد: كل مايخص ريجاتا 100 Sو اى كتالوجات و معلومات

أولا : السلام عليكم احب اشكر حضرتك انا كانت عايز اسأل حضرتك كام سؤال :
1-فرامل اليد ضعيفة اعمل ايه.
2-هل حضرتك تعرف اسعار تيل الفرامل.
3-الفانوس الأمامى الأصلى الزجاج وقع منى وانا ماشى والحمد لله مكسرش علشان اللزقة اعمل ايه هل اجيب مادتين ولا سليكون ولا اية.
4-هل حضرتك تعرف عزم السيارة كام وعند كام لفة للموتور.
5-لو ركبت فلتر رياضى هيفرق فى سحب وتجميع السيارة ولا بلاش خلينا فى الفبريكة.
6-ياريت لو فى كتالوج تبقى خدمتنى خدمة كبيرة.
البطاقة الفنية للسيارة :
فيات ريجاتا 1985 - 1600 سى.سى- بيتهيالى 110 حصان
وشكر لحضرتك

Re: رد: كل مايخص ريجاتا 100 Sو اى كتالوجات و معلومات

اقتباس:

المشاركة الأصلية كتبت بواسطة محمد حسن عبد الرحمن (المشاركة 675836)

أولا : السلام عليكم احب اشكر حضرتك انا كانت عايز اسأل حضرتك كام سؤال :

1-فرامل اليد ضعيفة اعمل ايه.

اولا اكشف على تيل الفرامل الخلفى - القباقيب و اذا كانوا كويسين راجع رجلاش عصاية فرامل اليد و ده بيكون صامولة طويلة اسفل العصاية مباشرة -تربط لفتين و تشد العصاية و تجرب

2-هل حضرتك تعرف اسعار تيل الفرامل.
يوجد انواع مختلفة من التيل الامامى و الخلفى انا شخصيا اشتريت تيل امامى مكتوب عليه انه ايطالى و الله اعلم بالحقيقة ب 45 جنيه و الخلفى بتوديه يتملى عند بتاع التيل ب40 جنيه و جنيه30 علشان يجلخ الطنابير و يساويها لو فيها سمك

3-الفانوس الأمامى الأصلى الزجاج وقع منى وانا ماشى والحمد لله مكسرش علشان اللزقة اعمل ايه هل اجيب مادتين ولا سليكون ولا اية.

فيه سيلكون رمادى بيكون زى بتاع الفابريكة للعربيات الحديثة عند بتوع لوازم السباكة و ياريت تعمله بنظافة و انا شخصيا عملته كذا مرة وبيطلع نتيجة ممتازة و محكم و بيعيش
4-هل حضرتك تعرف عزم السيارة كام وعند كام
لفة للموتور.
عزم الموتور ال 2 كامة 1600 لانشيا بيكون 101
HP عند 5000 لفة بس ده مكتوب فى الكتالوج
FIAT REGATA 100 1.6 (RF) (101 Hp) Benzin95 101

5-لو ركبت فلتر رياضى هيفرق فى سحب
وتجميع السيارة ولا بلاش خلينا فى الفبريكة.
انا شفت فى المنتدى اكثر من مشاركة بخصوص الفلتر الرياضى و كتير من الاخوة اقروا بعدم جدواه و اعتقد انك بموتور 1600 مش محتاج عزم اكبر هو اصلا موتور قوى و ده رأيىٍ الشخصى و اعتقد ان الافضل توجيه ثمن الفلتر الرياضى فى حاجة اساسية للسيارة
6-ياريت لو فى كتالوج تبقى خدمتنى خدمة كبيرة.
انا عندى كتالوج بس بالاسبانى للاسف و الرابط الخاص به
http://www.4shared.com/file/14409439...ir_Manual.html
البطاقة الفنية للسيارة :
فيات ريجاتا 1985 - 1600 سى.سى- بيتهيالى 110 حصان
وشكر لحضرتك

و اى خدمة تحت امرك
الريجاتا عربية جميلة و متينة و خصوصا 1600

رد: كل مايخص ريجاتا 100 Sو اى كتالوجات و معلومات

اقتباس:

المشاركة الأصلية كتبت بواسطة محمد حسن عبد الرحمن (المشاركة 677148)

الف شكر ليك يا باشا بس بعد أذنك سؤال الظهر بتاع السماعات اللى وراء الكنبة اللى بيتحط عليه السماعات فى منه جديد ولا كلو هيبقى استعمال انا عارف انو ممكن اخلى السروجى يعملو بس لو فى جديد يبقى احسن وشكرا لكرم حضرتك افدتنى بجد.
لا شكر على واجب و تحت امرك فى اى خدمة
اعتقد ان الرف الخلفى صعب تلاقيه جديد . ممكن استيراد فى الوكالة او عزبة شلبى و خلليك مصحصح معاهم هناك ..

بس بالنسبة للمحرك هو ريجاتا مش لانشيا ريجاتا كربراتير.
موتور الريجاتا اصلا بيتصنع فى لانشيا و انا ساعات باشترى حاجات من لانشيا و بيتبقى هى هى الريجاتا . الموتور 1600 سي سي 2 كامة هو راكب فى اللانشيا بريسما و دلتا موديلات 1986-1990

وشكر لكرم اخلاق حضرتك وسعه صدرك أخوك محمد

و تحت امرك