البطاريه تقريبا كده بتهرب كهربا ودى الاعراض الى عندى وارجو الافاده
 

العربيه كيا اسبكتر موديل 2004 اوتماتيك المهم
انا اول ما جبت العربيه كانت كويسه والحمد لله وزى الفل ورحت جبت جهاز انذار وكاسيت وركبتوهم و كان فيه مشكله فى علبه الفيوزات رحت غيرتها وجبت واحده استراد ومره واحده بطاريه العربيه بدات تبقى ضعيفه معايا قولت خلاص اروح اشترى واحده جديده واريح نفسى المهم رحت اشتريت واحده كورى نوعها اسمو فرى ماكس 55 امبير مكملتش معايا شهر او 2 والعربيه لسه زى ما هى بمعنى انى اقفل العربيه بليل لو سيبتها يومين انزل الاقى العربيه مش بتدور البطاريه نامت خالص قولت يمكن من عليه الفيوزات خصوصا ان الى جبتها كان فيها فيوزات كتير اوى مكنتش راكبه فى القديمه رحت لوحد كهربائى كشفلى على علبه الفيوزات و شال منها الفيوزات الى مالهاش لازمه من الكتالوج بتاع العربيه وكشف عليها ولقاها مفيهاش ماس ولا اى حاجه وبعد كل دا المشكله لسه موجوده كنت قريت انا موضوع هنا اسمو ازاى تعرف ان عربيتك بتستهلك البطاريه و هى مش شغاله وكان فيه منهم نقطه بتقول جهاز الانذار المهم بقالى يومين بقفل العربيه من غير انذار وبنزل تانى يوم البطاريه بتكون نايمه اينعم بس الاداء اتحسن يعنى الاول كانت بتقرفنى على ما تدور دلوقتى بقت تدور بسرعه بس بردو الشحن بيفضى منها مع العلم انى مركب الانذار على كلاكس السرينه بتاع العربيه وفى حاجه كمان نسيت اقولكو عليها لما كنت ابقى عاوز اركنها يومين مثلا كنت بشيل سلك البطاريه و اسيب السيلك الى واصل من الدينامو للبطاريه وكنت لما بنزل بلاقيها خلاص بتودع حتى وانا شايل السلك مع العلم ان البطاريه لسه جديده فهل كده العيب من البطاريه و لا فيه حاجه تانيه فى العربيه يا ريت حد متخصص يجاوبنى بسرعه وللعلم دينمو السياره سليم كشفت عليه اكتر من مره واسف على الاطاله

رد: البطاريه تقريبا كده بتهرب كهربا ودى الاعراض الى عندى وارجو الافاده
 

( افصل كابلات البطارية قبل ما تنوم عربيتك تحت البيت ) اذا ارهقتك صباحا فى الدوارة ( العيب بطارية )
اذا حدث العكس( يوجد مكون x مجهول يستهلك الطاقة ) للعثور عليه لابد من قياس المقاومة و شدة التيار للسيارة ساكنه.الطريقة ( وصل الافومتير على التوالى داخل الدائرة ) اذا زادت شدة التيار عن 75 أوم يوجد تسريب - لابد من كتالوج دقيق ومفك لمبة وصبر شديد للعثور على المكون x

رد: البطاريه تقريبا كده بتهرب كهربا ودى الاعراض الى عندى وارجو الافاده
 

شكرا جدا اعتقد انها بطاريه لانى بشيل السلك و تانى يوم بتبقى نايمه بردو

رد: البطاريه تقريبا كده بتهرب كهربا ودى الاعراض الى عندى وارجو الافاده
 

اختبر البطارية على سيارة أحد أفراد العائلة ان تكرر الشىء فالعيب بطارية
اختبر بطارية احد افراد الاسرة على سيارتك - اذا عملت بكفاءة بالعيب فى بطاربتك الاولى

رد: البطاريه تقريبا كده بتهرب كهربا ودى الاعراض الى عندى وارجو الافاده