سؤال مهم؟
 

هل الشيفولية اللانوس مكوناتها صينية وليس كورية وهل الافضل منها الفيرناROSE4U

رد: سؤال مهم؟
 

الحقيقة ان كل واحد مش هيقدر يفيدك غير بوجهه نظره الشخصية , لأن السؤال ده تقدر تقول عليه من الأسئلة المطلقة اللى ملهاش أجابة محددة وإنما إجابات تقديرية تختلف حسب رؤية كل شخص والعبرة فى النهاية بحكمك انت شخصياً وتقديرك لمتطلباتك وتقييمك الشخصى لكل واحدة من العربيتين دول.
عموماً أنا بأستأذنك أشارك برأيى الشخصى وهو أن اللانوس فعلاً مكوناتها صينية ومصرية (الزجاج مثلاُ مصانع د/جريش) ومعتقدش ان ده عيب لأن مش كل منتجات الصين رديئة ولكن فى مستوى معين من ضبط الجودة لعلامة شيفرولية و GM غير مسموح بالتنازل عنه ... وعموماً إذا كانت دى نقطة المقارنة بين اللانوس والفيرنا فمين قال ان مكونات الفيرنا كورى بالكامل وليست صينى.
عموماً أعتقد ان التقييم بين العربيتين (اذا حصرنا المقارنة بينهم فقط ومدخلناش الرينو لوجان والكيا ريو بنفس السعر) لازم تشمل حاجات تانية كتير ومن اهمها ايه هو المقابل قصاد المبلغ المدفوع بمعنى انك هتدفع 6990 جنية فى اللانوس الكاملة ال 1500 سى سى وهتاخد باور ستيرنج وأزاز كهرباء وفوانيس شبورة ومرايا كهربا ناحية الراكب الامامى وراديو بدون اريال (بهوائى) ومفيش ريموت .... لكن فى حالة الفيرنا هتدفع 72250 جنية فى الفيرنا الكاملة ال 1600 سى سى وهتاخد باور ستيرنج وأزاز كهرباء وبس بمعنى مفيش مرايات كهربا ولا فوانيس شبورة والراديو بأريال كهربا بس فى ريموت ....
أدرس النقاط دى بالراحة وشوف طلباتك أيه وحاول تقعد فى كل عربية منهم ولو امكن تجرب تسوقها واختار الشكل المريح ليك اكتر وخد قرارك بتمهل وبدون تسرع وفى النهاية العربيتين تجميع مصرى ووكيل محلى وقطع غيار رخيصة ومتوفرة جداً وصيانة سهلة لأى ميكانيكى وأكسسوارات متنوعة وماسكين سعر اعادة بيع ... ومدامت شغالة تاكسى بوفرة كدة ده فى صالح وفرة ورخص قطع الغيار والمصنعيات.
اتمنى انى ماكونش اثقلت عليك وزى ماقولت فى الاول ده تقييمى انا الشخصى والعبرة فى النهاية لرأيك وقرارك انت فقط.

رد: سؤال مهم؟
 

انا هقولك الفيرنا تتفوق في ايه لاكن مش هتكلم علي الانوس لاني لا امتلكها ولاكن سوقتها فقط

الفيرنا تتفوق في قوة الماتور 1600 الانوس 1500

الفيرنا 108 حصان الانوس 86

الفيرنا ابعادها سهله جدا وتقدر تعمل بيها مناورات بدون اي مشاكل بعكس الانوس ابعدها صعب تجيبها وكمان كرسي السواق في الفيرنا مريح جدا وواسع بعكس الانوس انا كنت مرجع الكرسي علي الاخر ومهبطه ودماغي خابطه في السقف وده طبعا علي حساب انهم يوسعوا القاعده الخلفية للركاب

الفيرنا فيها سنتر كوري وانذار مدمج في مفتاح السيارة بعكس الانوس

فرامل الفيرنا وثباتها اشد من الانوس لكن عفشة الانوس مريحة عن الفيرنا شوية

وربنا يوفقك لما فيه الخير

رد: سؤال مهم؟
 

شكر وتقديرشكر وتقديرشكر وتقديرشكر وتقديرشكر وتقديرشكر وتقدير

رد: سؤال مهم؟
 

انا بقة من ملاك ال لانوس
وموافق جدا على كل الكلام اللى فوق بس احب اضيف ان الكنبة الخلفية فى ال لانوس اوس وقطع غيار ال لانوس ارخص سنه بسيطة
بس على فكرة التجميع المصرى فى ال لانوس اقل من الفيرنا
ومن الاخر العربيتين زى بعض تقريبا فى محصلة المميزات والعيوب وفى الاخر روح معرض شوف الاتنين واستخير ربنا واللى ترتحلها هاتها
بالتوفيق